ស្របពេលដែលវត្តមានរបស់ទូរស័ព្ទ Nokia 220 4G បង្ហាញខ្លួននោះ ក្រុមហ៊ុនបច្ចេកវិទ្យា Nokia Mobile ក៏ប្រកាសបង្ហាញវត្តមានរបស់ទូរស័ព្ទអិនចុចពិលជំនាន់ថ្មីនោះគឺ Nokia 105។ ទូរស័ព្ទប្រភេទអិនចុចពិលគឺមានការពេញនិយមកើនឡើងខ្លាំងមែនទែន ហើយសម្រាប់ទូរស័ព្ទនេះក៏មានការឌីស្សាញថ្មីដែលស្រស់ស្អាត និងធន់ក្នុងការប្រើប្រាស់បំផុត។
Nokia 105 នេះមានការឌីស្សាញអស្ចារ្យទាក់ទាញមែនទែន ហើយងាយស្រួលកាន់នៅក្នុងដៃថែមទៀត។ វាមានថាមពលថ្មដោះចេញបានទំហំ 800 mAh ហើយវាប្រើប្រាស់សម្រាប់ការនិយាយបានដល់ទៅ 14 ម៉ោងថែមទៀត។ វាពិតជាអស្ចារ្យមែនទែន។ទូរស័ព្ទនេះដំណើរការនូវ Nokia Series 30+ software platform ដែលមានន័យថាវាមានភ្ជាប់ជាមួយនឹង Apps និងហ្គេមមួយចំនួនផងដែរ។
វាមានភ្ជាប់ជាមួយនឹងហ្គេមពស់ជំនាន់ថ្មី និងហ្គេម ៦ ទៀតរបស់ Gameloft (Tetris, Sky Gift, Airstrike, Nitro Racing, Ninja UP! និង Danger Dash) ។ ទូរស័ព្ទ Nokia 105 នេះមានកម្រិតភាពច្បាស់ដូចគ្នាទៅនឹង Nokia 220 4G (QQVGA) ប៉ុន្តែអេក្រង់របស់វាតូចជាងបន្តិច (1.77″) ។
Nokia 105 ភ្ជាប់ជាមួយនឹងរន្ធដោតកាសស្តាប់ 3.5 mm headphone jack និងទ្រទ្រង់ទៅលើវិទ្យុ FM Radio ។ វាប្រើប្រាស់នូវ Micro USB port សម្រាប់ការបញ្ចូលថាមពលថ្ម ហើយប្រើប្រាស់ស៊ីមពីរថែមទៀត។ ប្រសិនបើអ្នកចូលចិត្តទូរស័ព្ទនេះ វានឹងដាក់លក់នៅក្នុងតម្លៃ €13 ចាប់ពីខែសីហាខាងមុខនេះទៅ ហើយវាមាន ៣ ពណ៌គឺខៀវ ឈូក និងខៀវ។
លក្ខណៈសម្បត្តិ Nokia 105:
វិមាត្រ: 119 x 49.2 x 14.4mm
ទម្ងន់: 74.04g
អេក្រង់: 1.77”; QQVGA
ម៉េមូរី: 4MB
ថ្ម: 800 mAh
Connectivity: Single SIM/Dual SIM (mini-SIM), 2G
3.5 mm port, Micro-USB, FM Radio
OS: Nokia Series 30+