ក្រុមហ៊ុន Huawei ដាក់ចេញនូវកំណែ version របស់ EMUI 9.1 សម្រាប់ស្មាតហ្វូន Huawei P20 និង Huawei P20 Pro នៅក្នុងប្រទេសចិន។ នាពេលថ្មីៗនេះការ Update EMUI 9.1 អាចដំណើរការបានសម្រាប់អ្នកប្រើប្រាស់ស្មាតហ្វូនស៊េរី P20 ដែលពួកគេអាចអាប់ដេតបានតាមរយៈកម្មវិធី HiCare ។ យោងតាមព័ត៌មាននេះ ក្រុមហ៊ុន Huawei អាចនឹងចេញផ្សាយនូវ EMUI 9.1 update សម្រាប់ស្មាតហ្វូន P20និង P20 Pro នៅចុងខែកក្កដានេះ ឬដើមខែសីហា។
នេះគឺជាដំណឹងដ៏ល្អសម្រាប់អ្នកប្រើប្រាស់ស្មាតហ្វូនស៊េរី Huawei P20 Series នេះ។ ដូចគ្នានេះផងដែរ យើងចង់ប្រាប់អ្នកថាការ update ចុងក្រោយបំផុតនឹងអាចរកបាននៅលើកម្មវិធី HiCare នៅក្នុងដើមខែសីហានេះ។
EMUI 9.1 ត្រូវបង្កើតឡើងនៅផ្នែកខាងលើនៃប្រព័ន្ធប្រតិបត្តិការ Android 9 Pie និងតំឡើងជាមួយនឹង UI ថ្មីដែលមានលក្ខណៈពិសេសរួម GPU Turbo 3.0, EROFS file system, Huawei Vlog, AI Assitant និងជាច្រើនទៀត។ ការអាប់ដេតនេះក៏មានភ្ជាប់ជាមួយនឹងសុវត្ថិភាពចុងក្រោយសម្រាប់ខែកក្កដា ឆ្នាំ 2019 នេះផងដែរ៕