សង្ខេបព័ត៌មាន៖កម្មវិធី Sweet Chat លាតត្រដាងព័ត៌មានការជជែកផ្ទាល់ និងការសន្ទនាឯកជនចំនួនប្រហែល១០លាននាក់។ ម៉ាស៊ីនមេដែលមិនមានសុវត្ថិភាពនៅតែអាចចូលដំណើរការបានទោះបីអ្នកស្រាវជ្រាវជូនដំណឹងទៅក្រុមហ៊ុនអំពីបញ្ហារបស់កម្មវិធីនេះហើយក៏ដោយ។

ព័ត៌មានទូរទៅ

អ្នកស្រាវជ្រាវផ្នែកសន្តិសុខលោក Darryl Burke រកឃើញកម្មវិធីជជែក Sweet Chat បង្ហាញមាតិកាជជែក និងរូបថតរបស់អ្នកប្រើប្រាស់ចំនួនច្រើនជាង ១០លាននាក់តាមរយៈម៉ាស៊ីនមេដែលមិនមានសុវត្ថិភាព។ លោក Burke កត់សម្គាល់ឃើញថា អ្នកណាម្នាក់ដែលមានឧបករណ៍ដែលទាក់ទងនឹង MQTT អាចមើលការជជែកផ្ទាល់ និងរូបថតឯកជនរបស់អ្នកប្រើប្រាស់កម្មវិធីជជែកជជែកតាមអ៊ិនធឺរណិតទាំងអស់។ ការវិភាគបន្ថែមលើទិន្នន័យទាំងនោះបង្ហាញពីចំនួនដំណើរការ bot ដែលបង្កើតនៅលើកម្មវិធី។ អ្នកស្រាវជ្រាវណែនាំថា វាត្រូវបានគេប្រើដើម្បីទាក់ទាញអ្នកប្រើប្រាស់ឱ្យចំណាយប្រាក់ ឬផ្ញើប័ណ្ណអំណោយផ្សេងៗដើម្បីទទួលបានហិរញ្ញវត្ថុ។

អំពីកម្មវិធី Sweet Chat

Sweet Chat គឺជាកម្មវិធីជជែកដូចកម្មវិធីរបស់ប្រព័ន្ធប្រតិបត្តិការ Android ។ វាជាប់កំពូលកម្មវិធីសង្គមទាំង ១០នៅអាមេរិកឡាទីន មជ្ឈឹមបូព៌ា និងតំបន់មួយចំនួនទៀត។ បច្ចុប្បន្នគេប្រ៉ាន់ប្រមាណថា មានអ្នកប្រើប្រាស់ប្រមាណ ១០លាននាក់។ កម្មវិធី Sweet Chat ប្រើពិធីសារMQTT messaging សម្រាប់ស្តង់ដាមុខងារ publish/subscribe ក្នុងកម្មវិធី។ ការអនុវត្តមិនត្រឹមត្រូវនៃពិធីសារ MQTT អាចនាំឱ្យមានការប៉ះពាល់លើទិន្នន័យឯកជន។

តើទិន្នន័យអ្វីខ្លះរងការសម្របសម្រួល?

ម៉ាស៊ីនមេមិនមានសុវត្ថិភាពជាកម្មសិទ្ធិរបស់ក្រុមហ៊ុនបង្ហាញប្រវត្តនៃការសន្ទនាផ្ទាល់ និងរូបថតឯកជនរបស់អ្នកប្រើប្រាស់លើអ៊ីនធឺណិតទាំងអស់នៅលើកម្មវិធី Sweet Chat។

តើក្រុមហ៊ុនបានឆ្លើយតបយ៉ាងដូចម្តេច?

នៅថ្ងៃទី២១ ខែកក្កដាឆ្នាំ២០១៩ លោក Burke ជូនដំណឹងដល់ក្រុមហ៊ុនដែលគ្រប់គ្រងកម្មវិធីទាក់ទងនឹងម៉ាស៊ីនមេដែលមិនមានសុវត្ថិភាព។ ទោះយ៉ាងណា មកដល់ថ្ងៃទី៩ ខែសីហាម៉ាស៊ីនមេនៅតែមិនមានសុវត្ថិភាព។

ចំណុចកត់សម្គាល់

នៅថ្ងៃទី១២ ខែសីហា ឆ្នាំ ២០១៩ អ្នកស្រាវជ្រាវសម្គាល់ឃើញថា ម៉ាស៊ីនមេដែលបង្ហាញទិន្ន័យទទួលបានការធានាសុវត្ថិភាពជាមួយនឹងការជួសជុលបណ្តោះអាសន្ន។ ទោះយ៉ាងណាអ្នកស្រាវជ្រាវបានស្នើឱ្យក្រុមហ៊ុនធ្វើការផ្លាស់ប្តូរលើរចនាសំខាន់ៗដើម្បីដោះស្រាយបញ្ហាទាំងអស់។