យើងដឹងរួចហើយថា Nokia Mobile គឺជាក្រុមហ៊ុនបច្ចេកវិទ្យាមួយនៅក្នុងចំណោមក្រុមហ៊ុនផលិតស្មាតហ្វូនជាច្រើនដែលធ្វើការអាប់ដេតស្មាតហ្វូនរបស់ខ្លួនជាប្រចាំ និងកាន់តែប្រសើរជាងមុននោះ។ នៅក្នុងរបាយការណ៍ចុងក្រោយនេះគឺមានការបង្ហាញអំពីការអាប់ដេតទៅលើកម្មវិធី Software និងសុវត្ថិភាពរបស់ស្មាតហ្វូនដែលជាការស្រាវជ្រាវរបស់ក្រុមហ៊ុន Counterpoint Research ។

Nokia Mobile ធ្វើការអាប់ដេតស្មាតហ្វូនរបស់ខ្លួនដល់ទៅ 96% ចាប់តាំងពីឆមាសទី ៣ ឆ្នាំ ២០១៨ អោយដំណើរការនូវប្រព័ន្ធប្រតិបត្តិការ Android 9 Pie ខណៈពេលដែលក្រុមហ៊ុនបច្ចេកវិទ្យា Samsung ជាប់ចំណាត់ថ្នាក់លេខ ២ មាន 86% ហើយក្រុមហ៊ុន Xiaomi ជាប់លេខ ៣ មាន 84% ។ ក្រុមហ៊ុន​Nokia Mobile ក៏ធ្វើការ upgrades ទៅលើស្ទើរតែគ្រប់ស្មាតហ្វូន Nokia របស់ខ្លួននៅក្នុងពេលនេះអោយដំណើរការនូវ Android Pie ចុងក្រោយបំផុតនោះ។

យើងធ្លាប់បានដឹងហើយថា អ្នកប្រើប្រាស់ស្មាតហ្វូនជាច្រើនគឺមានការត្អូញត្អែរផងដែរនៅពេលដែលស្មាតហ្វូនរបស់ខ្លួនមិនមានការអាប់ដេតទៅកាន់ Android OS របស់ខ្លួននោះ។ ប្រសិនបើយើងនិយាយអំពីក្រុមហ៊ុនបច្ចេកវិទ្យា Nokia Mobile នោះ ក្រុមហ៊ុននេះគឺជាអ្នកនាំមុខគេនៅលើទីផ្សារហើយសម្រាប់ការអាប់ដេតទៅលើកម្មវិធី Software ចុងក្រោយបំផុត និងកាន់តែល្អប្រសើរនោះ៕