នៅថ្ងៃនេះ ក្រុមហ៊ុនបច្ចេកវិទ្យា Samsung ទើបតែប្រកាសបង្ហាញនូវស្មាតហ្វូន Galaxy A50s និង A30s ទៅកាន់ទីផ្សារប្រទេសឥណ្ឌា។ ស្មាតហ្វូនទាំងពីរនេះជាប្រភេទស្មាតហ្វូនថ្នាក់កណ្តាលដែលប្រកាសបង្ហាញខ្លួនដោយក្រុមហ៊ុនកាលពីខែមុននេះ ប៉ុន្តែតម្លៃរបស់វានៅមិនទាន់ទម្លាយនៅឡើយទេ។ ឥណ្ឌាគឺជាទីផ្សារមួយដែលស្មាតហ្វូនជាច្រើនម៉ូឌែលរបស់ Samsung បង្ហាញខ្លួននៅទីនេះ។
ស្មាតហ្វូន Galaxy A50s មានការពង្រឹងទៅលើកាមេរ៉ាគោល និងការបន្ថែមនូវ NFC Samsung Pay ហើយវាប្រើប្រាស់នូវបន្ទះឈីបថ្មី Exynos 9611 SoC និងមុខងារ Night Mode ជាមួយនឹង Super Steady សម្រាប់កាមេរ៉ារបស់វាថែមទៀត។
ស្មាតហ្វូន Galaxy A30s មានការពង្រឹងទៅលើសមត្ថភាពរបស់វាដូចជាការបន្ថែមនូវប្រព័ន្ធស្កេនក្រយ៉ៅដៃក្រោមអេក្រង់ កាមេរ៉ាដែលមានកម្រិតភាពច្បាស់ខ្ពស់ជាងមុន និង NFC Samsung Pay ថែមទៀត។ ស្មាតហ្វូននេះមានការពង្រឹងទៅលើ AI Game Booster សម្រាប់បទពិសោធន៍នៃការលេងហ្គេមកាន់តែអស្ចារ្យថែមទៀត។ ស្មាតហ្វូន Galaxy A50s និង A30s មានពណ៌ Prism Crush Black, Prism Crush Whiteនិង Prism Crush Violet ដ៏ស្រស់ស្អាតសម្រាប់ធ្វើការជ្រើសរើស៕