នៅក្នុងព្រឹត្តិការណ៍នៃការប្រកាសសម្ភោធន៍ស្មាតហ្វូនស៊េរីថ្មីHuawei Mate 30 Series នេះ ក្រុមហ៊ុនបច្ចេកវិទ្យាយក្សរបស់ចិននេះក៏ប្រកាសបង្ហាញថា ស្មាតហ្វូនដែលអាចបត់បាន Mate X របស់ខ្លួននឹងដាក់លក់នៅខែក្រោយនេះ។

លោក Richard Yu ដែលជា CEO របស់ក្រុមហ៊ុន  Consumer Business Group របស់ក្រុមហ៊ុនបច្ចេកវិទ្យា Huawei និយាយថា ស្មាតហ្វូនដែលអាចបត់បាន Mate X នឹងដាក់លក់នៅក្នុងខែតុលាខាងមុខនេះ។ ក្រៅពីព័ត៌មាននៃការដាក់លក់នេះ គាត់មិនបញ្ជាក់នូវព័ត៌មានលម្អិតរបស់ស្មាតហ្វូនដែលអាចបត់បាននេះនៅឡើយទេ។

ក្រៅពីនេះ ព័ត៌មានថ្មីៗនេះមានការទម្លាយថា ក្រុមហ៊ុនបច្ចេកវិទ្យានេះក៏ធ្វើការផ្លាស់ប្តូរទៅលើផ្នែក Hardware របស់ស្មាតហ្វូន Mate X នេះផងដែរ ហើយវានឹងប្រើប្រាស់ជាមួយនឹងបន្ទះឈីប Kirin 990 និង  Kirin 980 SoC versions ។ ស្មាតហ្វូន Huawei Mate X នេះគឺមានអេក្រង់ដែលអាចបត់បាន OLED display ដែលមានទំហំ  8-inches នៅពេលដែលវាបើក និងបិទមានអេក្រង់ទំហំ  6.6 inches សម្រាប់ផ្នែកខាងមុខ និងអេក្រង់ទំហំ 6.38 inches សម្រាប់ផ្នែកខាងក្រោយ៕