ថ្មីៗនេះ Sensible4 និង Nokia បានចាប់ផ្តើមនូវគម្រោងរថយន្តក្រុងដែលអាចបើកបរដោយខ្លួនឯងបានដែលមានឈ្មោះហៅថា Gacha ដែលធ្វើប្រតិបត្តិការនៅក្នុងបរិវេណនៃក្រុមហ៊ុន Nokia ។ រថយន្តក្រុងនេះដំណើរការដោយស្វ័យប្រវត្តិ ហើយវាអាចភ្ជាប់ទៅកាន់អ៊ីនធឺណិតតាមរយៈបណ្តាញ 5G network ។

ពេលនេះ ក្រុមហ៊ុន Nokia បញ្ចេញនូវវីដេអូដែលមានការបង្ហាញអំពីការប្រតិបត្តិការរបស់រថយន្តក្រុងស្វ័យប្រវត្តិនេះ។ នេះគឺជាឱកាសមួយដែលក្រុមហ៊នបច្ចេកវិទ្យា Nokia ចែករំលែកអំពីបច្ចេកវិទ្យា 5G network ទៅកាន់ពិភពលោក។

អ្នកធ្វើដំណើរនៅលើរថយន្តក្រុងនេះមានដូចជាលោក Paivi Kalske ដែលជាប្រធានផ្នែក Corporate Social Media នៅក្នុងក្រុមហ៊ុន Nokia, Jane Rygaard ដែលជាប្រធានផ្នែក Dedicated Wireless Networks នៅក្រុមហ៊ុន Nokia និងលោក Sandro Tavares ដែលជាប្រធានផ្នែក Mobile Networks Marketing នៅក្នុងក្រុមហ៊ុន Nokia ដែលការនិយាយរបស់ពួកគេគឺផ្តោតទៅលើពិភពលោក 5G ៕