ស្មាតហ្វូនស៊េរីថ្មី Huawei Mate 30 series flagship ពេលនេះបានមកដល់ទីផ្សារនៃប្រទេសសិង្ហបុរីហើយ ហើយក្រុមហ៊ុនបច្ចេកវិទ្យានេះបញ្ជាក់ទៀតថា អតិថិជនមួយចំនួនអាចធ្វើការកម្មង់ទិញស្មាតហ្វូន Huawei Mate 30 Pro នេះបាននៅក្នុងចំនួនមានកំណត់តែប៉ុណ្ណោះ។
សម្រាប់អតិថិជនដែលចង់ធ្វើការតេស្តទៅលើស្មាតហ្វូន Huawei Mate 30 Pro អាចចូលទៅកាន់ហាង Huawei Concept Stores សម្រាប់ផលិតផល Demo របស់ក្រុមហ៊ុននេះ។ ស្មាតហ្វូន Huawei Mate 30 Pro (8GB RAM/256 ROM) នេះមានពីរពណ៌សម្រាប់ធ្វើការជ្រើសរើសនោះគឺពណ៌ខ្មៅ និងពណ៌ទឹកប្រាក់ ហើយវាលក់នៅក្នុងតម្លៃ SGD 1,298 ។
សម្រាប់អតិថិជនដែលធ្វើការកម្មង់ទិញស្មាតហ្វូនស៊េរីថ្មី Huawei Mate 30 Pro នេះនឹងរីករាយជាមួយនឹងសេវាកម្ម Premium Services ដែលស្ថិតនៅក្នុងកញ្ចប់ HICARE PRESTIGE package ផងដែរ៕