កាលពីឆ្នាំមុននេះ Honor 10 Youth Edition គឺពិតជាមានការពេញនិយមខ្លាំងមែនទែនសម្រាប់អ្នកប្រើប្រាស់នៅក្នុងប្រទេសចិន ហើយក្រុមហ៊ុនបច្ចេកវិទ្យានេះបញ្ជាក់ថា ស្មាតហ្វូនជំនាន់ថ្មីនៃត្រកូលនេះក៏ត្រៀមខ្លួនបង្ហាញវត្តមានផងដែរ។

កាលពីថ្ងៃទី ៣​ខែតុលាកន្លងទៅនេះ អ្នកប្រើប្រាស់ម្នាក់នៅលើវេទិការបស់ Huawei សួរតាមរយៈការបង្ហោះរបស់ខ្លួនដើម្បីចង់ផ្លាស់ប្តូរទៅកាន់ម៉ូឌែលថ្មី ហើយ Tag ទៅកាន់លោក Zhao Ming ដែលជាប្រធានរបស់ក្រុមហ៊ុន Honor តែម្តង។ លោក Zhao Ming ឆ្លើយតបថា ស្មាតហ្វូន Honor 20 Youth Edition នឹងបង្ហាញខ្លួនឆាប់ៗនេះ។

យ៉ាងណាមិញ​លោក Zhao មិនបានទម្លាយនូវលក្ខណៈសម្បត្តិច្រើនរបស់ស្មាតហ្វូននេះនោះទេ ប៉ុន្តែស្មាតហ្វូននេះក៏ទទួលបាននូវវិញ្ញាបនបត្រពី TENAA រួចហើយ។ សម្រាប់កាលបរិច្ឆេទនៃការប្រកាសបង្ហាញវត្តមានរបស់ស្មាតហ្វូននេះក៏នៅមិនទាន់ដឹងនៅឡើយទេ៕