នាឡិកាសុខភាពម៉ូឌែលចុងក្រោយបំផុត Honor Band 5 របស់ក្រុមហ៊ុនបច្ចេកវិទ្យា Honor ប្រកាសបង្ហាញវត្តមានជាផ្លូវការជាមួយនឹង ៣ ពណ៌សម្រាប់ធ្វើការជ្រើសរើសនោះគឺពណ៌ Meteorite Black, Coral Pink និង Midnight Navy ហើយពេលនេះនាឡិកាBand 5 ទទួលបាននូវពណ៌ថ្មីមួយទៀតនោះគឺ Olive Green ។ យ៉ាងណាមិញ ក្រុមហ៊ុនបច្ចេកវិទ្យានេះនៅមិនទាន់ប្រកាសបង្ហាញព័ត៌មានអ្វីបន្ថែមទៀតនៅឡើយទេ។
នាឡិកា Honor Band 5 នេះមានអេក្រង់ទំហំ 0.95-inch AMOLED 2.5D ជាមួយនឹងកម្រិតភាពច្បាស់ 240×120 ។ វាមានភ្ជាប់ជាមួយនឹងប្រព័ន្ធសម្រាប់វាស់ទៅលើចង្វាក់បេះដូង ហើយវាមានថាមពលថ្មដែលមានទំហំ 100mAh ដែលអាចប្រើប្រាស់បាន ១៤ ថ្ងៃថែមទៀត។ នាឡិកានេះគឺអាចធ្វើការតាមដានសុខភាព និងការបង្ហាញនូវទិន្នន័យជាច្រើនទៀតដូចជាការវាស់ចង្វាក់បេះដូង រយៈពេលនៃការហាត់ប្រាណ ការរត់ចម្ងាយ ល្បឿន កាឡូរី និងជាច្រើនទៀត។
សម្រាប់ប្រព័ន្ធតាមដានទៅលើកម្រិតអុកស៊ីសែន SpO2 Monitor នៅលើនាឡិកាHONOR Band 5 នេះគឺអាចធ្វើការវាស់ទៅលើកម្រិតឈាន និងបច្ចេកវិទ្យាវាស់ទៅលើចង្វាក់បេះដូង TruSeen 3.0 heart rate monitoring technology សម្រាប់ធ្វើការវាស់ទៅលើកម្រិតចង្វាក់បេះដូងថែមទៀត។ នាឡិកា Band 5 នេះក៏មានមុខនាឡិកា Remote Music Control សម្រាប់ធ្វើការបញ្ជាទៅលើការងារជាច្រើនដូចជាការកែប្រែទៅលើកម្រិតតន្ត្រី ការដូរបទចម្រៀង និងជាច្រើនទៀតនៅលើកដៃរបស់អ្នក៕