ថ្មីនេះ ក្រុមហ៊ុនបច្ចេកវិទ្យា Huawei ប្រកាសបង្ហាញវត្តមានរបស់ថេប្លេត MediaPad M6 នៅក្នុងអ៊ឺរ៉ុប និងអេស្ប៉ាញដែលជាទីផ្សារដំបូងបំផុតរបស់ក្រុមហ៊ុននេះដែលទទួលបាននូវថេប្លេតម៉ូឌែលចុងក្រោយបំផុតរបស់ក្រុមហ៊ុននេះ។ ថេប្លេត Huawei MediaPad M6 នេះមានអេក្រង់ទំហំ 10.8-inch ជាមួយនឹងកម្រិតភាពច្បាស់ 2K បន្ទះឈីប flagship Kirin 980 processor និងថាមពលថ្មទំហំ 7500mAh ។

ថេប្លេត Huawei MediaPad M6 ដែលបង្ហាញខ្លួននៅក្នុងអ៊ឺរ៉ុបនេះគឺមានតម្លើងនូវ EMUI 10 ដែលផ្អែកនៅលើ Android 10 បើធៀបជាមួយនឹង Version នៅចិនគឺដំណើរការនូវ EMUI 9.1 (Android) ប៉ុណ្ណោះ។ ស្រដៀងគ្នាទៅនឹង Mate 30 Pro ថេប្លេតនេះមិនមានសេវាកម្ម និង Apps របស់ Google នោះទេ ប៉ុន្តែវាមានកម្មវិធីជាច្រើនដែលអាចទាញយកបានចេញពី Huawei AppGallery ។

ថេប្លេត MediaPad M6 នេះមានភ្ជាប់ជាមួយនឹងប្រព័ន្ធសំឡេង audio កម្រិតខ្ពស់របស់ Harmon Kardon និង​ DOLBY ATMOS ថែមទៀត។ វាក៏ទ្រទ្រង់នូវកម្មវិធី multi-tasking តាមរយៈ Split-Screen ផងដែរ។ វាទ្រទ្រង់នូវប៊ិច M-Pen និង Smart Magnetic Keyboard ផងដែរ។ សម្រាប់ Huawei MediaPad M6 4GB RAM + 64GB version នេះគឺមានតម្លៃ 349 euros (386 USD) ៕