ស្មាតហ្វូនដែលអាចបត់បានរបស់ក្រុមហ៊ុន Huawei គឺ​Mate X គឺលក់ដាច់ខ្លាំងមែនទែននៅក្នុងប្រទេសចិន ហើយរបាយការណ៍ថ្មីមួយបញ្ចាក់អំពីចំនួនការលក់របស់ស្មាតហ្វូននេះនៅក្នុងរយៈពេលមួយខែនោះ។ តាមការបញ្ចាក់របស់របាយការណ៍មួយចេញពីចិនបញ្ជាក់ថា ក្រុមហ៊ុន Huawei លក់ស្មាតហ្វូនបានចំនួន ១ សែនគ្រឿងក្នុងមួយខែសម្រាប់ស្មាតហ្វូន Huawei Mate X 5G  នៅក្នុងឆ្នាំ ២០១៩ នេះ។

ស្មាតហ្វូននេះគឺដាក់លក់បានរយៈពេល ២ ខែប៉ុណ្ណោះ ហើយដូចនេះការនាំចេញស្មាតហ្វូននេះគឺមានចំនួន ២ សែនគ្រឿងហើយ។ នេះគឺជាតួរលេខដែលគួរអោយភ្ញាក់ផ្អើលមែនទែនសម្រាប់ការលក់ស្មាតហ្វូន Huawei Mate X 5G នេះ។ សម្រាប់តម្លៃរបស់ស្មាតហ្វូននេះគឺ 16,999 CNY (2400 USD, 2160 EUR) ។ ការលក់ផ្លវការរបស់ស្មាតហ្វូន Mate X នេះគឺចាប់ផ្តើមពីចុងខែវិច្ឆិកានេះនៅក្នុងប្រទេសចិន ហើយវាក៏លក់អស់រលីងមិនដល់មួយនាទីនោះទេនៅលើអនឡាញ។

បើធៀបជាមួយនឹង Mate X នោះ ក្រុមហ៊ុនបច្ចេកវិទ្យា Huawei នឹងធ្វើការ​ upgraded versionសម្រាប់ស្មាតហ្វូនដែលអាចបត់បាននេះជាមួយនឹងបន្ទះឈីប Kirin 990 5G និងបច្ចេកវិទ្យា 65W charging សម្រាប់ស្មាតហ្វូន Huawei Mate Xs នេះ។ យើងអាចរំពឹងថាស្មាតហ្វូននេះនឹងបង្ហាញខ្លួននៅក្នុងព្រឹត្តិការណ៍ MWC 2020 នៅក្នុងខែកុម្ភៈនេះ៕