ដោយសារតែការហាមប្រាមទៅលើពាណិជ្ជកម្មនេះ ស្មាតហ្វូនថ្មីរបស់ក្រុមហ៊ុនបច្ចេកវិទ្យា Huawei មិនអាចទទួលបាននូវវិញ្ញាបនបត្រ Play Protect នោះទេដែលនេះគឹជាវិញ្ញាបនបត្រក្នុងការតម្លើងនូវកម្មវិធី Google application ដូចជា Play Store និងជាច្រើនទៀត។ នៅក្នុងស្ថានភាពនេះ ក្រុមហ៊ុនបច្ចេកវិទ្យា Huawei បានសម្រេចចិត្តក្នុងការនាំចេញនូវស្មាតហ្វូនថ្មីរបស់ខ្លួនជាមួយនឹងសេវាកម្ម Huawei Mobile Services (HMS) ។
អនុប្រធានលោក Sameer Samat Sameer Samat នៅក្នុងផ្នែក Android និង Google Play នេះនិយាយថា ក្រុមហ៊ុនបច្ចេកវិទ្យា Google បានស្នើសុំនូវអាជ្ញាបណ្ណមួយក្នុងការបន្តនូវអាជីវកម្មជាមួយនឹងក្រុមហ៊ុនបច្ចេកវិទ្យាHuawei នេះ។ លោក Sameer មិនទម្លាយនូវព័ត៌មានផ្សេងទៀតដែលទាក់ទងទៅនឹងស្ថានភាពនៃអាជ្ញាប័ណ្ណនេះនោះទេ។ នេះមានន័យថា ប្រសិនបើក្រុមហ៊ុនGoogle ទទួលបាននូវការយល់ព្រមពីរដ្ឋាភិបាលរបស់សហរដ្ឋអាមេរិកបញ្ជាក់ថា ស្មាតហ្វូនជាច្រើននាពេលអនាគតរបស់ក្រុមហ៊ុន Huawei គឺមានសេវាកម្ម Google Mobile Services (GMS), PlayStore និងកម្មវិធីជាច្រើនទៀតដូចជា Google Maps, Youtube, Gmail និងជាច្រើនទៀត។
នៅខែឧសភាឆ្នាំ ២០១៩ ក្រសួងពាណិជ្ជកម្មសហរដ្ឋអាមេរិកបានបន្ថែមក្រុមហ៊ុន Huawei ចូលក្នុងបញ្ជី Entity-Listដែលហាមឃាត់ក្រុមហ៊ុនអាមេរិកទាំងអស់រួមទាំងហ្គូហ្គោលមិនឱ្យធ្វើជំនួញជាមួយក្រុមហ៊ុន Huawei នោះទេ។ ក្រុមហ៊ុនបច្ចេកវិទ្យាHuawei ក៏ធ្វើការចាប់ផ្តើមអភិវឌ្ឍទៅលើកម្មវិធី app ecosystem – HMS ផ្ទាល់ខ្លួនសម្រាប់ជំនួសនូវសេវាកម្ម GMS នេះ។ Huawei Mate 30 series គឺជាស្មាតហ្វូនដំបូងបំផុតដែលដំណើរការនូវសេវាកម្ម HMS ហើយបន្ទាប់មកមានស្មាតហ្វូន Huawei Mate Xs, Honor View30 Pro និង Honor 9X Pro និងជាច្រើនទៀត៕