Oppo Find X ប្រកាសបង្ហាញខ្លួននៅក្នុងឆ្នាំ ២០១៨ ដែលមានស្មាតហ្វូនពេញគែម ហើយក្រោយមកគេក៏ឃើញមានវត្តមានរបស់ស្មាតហ្វូនជាច្រើនទៀតដូចជា OnePlus 7 Pro, Samsung Galaxy A80 និងជាច្រើនទៀតដែលមានអេក្រង់ពេញគែម និងកាមេរ៉ាផុសឡើងនោះ។ ពីរឆ្នាំក្រោយមក Oppo Find X2 seriesក៏ប្រកាសបង្ហាញខ្លួនជាផ្លូវការដែលមានការឌីស្សាញកាន់តែអស្ចារ្យជាងមុនថែមទៀតផង។
ស្មាតហ្វូន Oppo Find X2 seriesនេះមានអេក្រង់ 6.7-inch curved-edge AMOLED display ជាមួយនឹងកម្រិតភាពច្បាស់ 3K (3168 x 1440p) និង 120Hz refresh rate ថែមទៀត។ សម្រាប់កម្រិតពណ៌របស់វាពិតជាអស្ចារ្យមែនទែន។ កម្រិតពន្លឺរបស់វាអាចកើនឡើងដល់ទៅ 1,200 nits ហើយវាក៏មានកម្រិតអេក្រង់ 240Hz touch sampling rate ថែមទៀត។
ស្មាតហ្វូន Oppo Find X2 Pro នេះមានភ្ជាប់ជាមួយនឹងបច្ចេកវិទ្យា 10x Zoom កាមេរ៉ា 48-megapixel periscope ថែមទៀត។ វាក៏មានបច្ចេកវិទ្យា ISO technology និង f/1.7 aperture សម្រាប់ការថតរូបភាពនៅកន្លែងដែលមានពន្លឺទាបថែមទៀត។ ស្មាតហ្វូន Oppo Find X2 Proនេះទ្រទ្រង់ទៅលើបច្ចេកវិទ្យា All Pixel Omni-directional PDAF ថែមទៀត។ Oppo Find X2 និង Oppo Find X2 Pro ប្រើប្រាស់នូវបន្ទះឈីប Qualcomm's Snapdragon 865 chipset និង Snapdragon X55 modem ជាមួយនឹងការទ្រទ្រង់នូវបច្ចេកវិទ្យា 5G networks ថែមទៀត។ វាមានរ៉េមទំហំ 12GB និងម៉េមូរីទំហំ 256GB និង 512GB ថែមទៀត៕