ស្មាតហ្វូន nubia Red Magic 5G ប្រកាសបង្ហាញខ្លួនកាលពីខែមុននេះ ហើយពេលនេះយើងក៏បានដឹងថាស្មាតហ្វូននេះមានកម្រិតអេក្រង់ដល់ទៅ 144Hz ។ ស្មាតហ្វូននេះពេលនេះដាក់លក់នៅក្នុងទីផ្សាររបស់ពិភពលោកហើយ។ ស្មាតហ្វូន nubia Red Magic 5G នេះគឺមាន ៤ ជម្រើសសម្រាប់ធ្វើការជ្រើសរើសនៅក្នុងប្រទេសចិន ហើយសម្រាប់ទីផ្សារអន្តរជាតិគឺមាន ២ ប៉ុណ្ណៅះគឺ 8/128 GB ពណ៌ Eclipse Black និងពណ៌ Hot Rod Red នៅក្នុងតម្លៃ $579/€579/£539 និង 12/256 GB ពណ៌ Pulse Neon ដែលមានតម្លៃ $649/€649/£599 ។

វាក៏មានការថែមជូនពិសេសសម្រាប់អតិថិជន ១០០ នាក់ដែលធ្វើការទិញស្មាតហ្វូននេះរហូតដល់ថ្ងៃទី ២១ ខែមេសានេះជាមួយនឹង $30 voucher សម្រាប់ព្រឹត្តិការណ៍ Red Magic 5G Blueprint ។ អ្នកអាចយកនូវកាតនេះទៅកាន់ Red Magic store សម្រាប់ទិញនូវ cases, chargers និង power banks ថែមទៀត។

នៅក្នុងបញ្ជីនៃទីផ្សារពិភពលោករបស់ស្មាតហ្វូន nubia Red Magic 5G នេះគឺមាននៅក្នុងសហរដ្ឋអាមេរិក កាណាដា សហភាពអ៊ឺរ៉ុប ចក្រភពអង់គ្លេស អូស្រា្តលី ហុងកុង អ៊ីស្រាអែល ជប៉ុន សិង្ហបុរី ឥណ្ឌូនេស៊ី តៃវ៉ាន់ និងម៉ាកាវ។ ស្មាតហ្វូននេះមានតួខ្លួនរឹងមាំ និងសំឡេងពិរោះបំផុតក្នុងការប្រើប្រាស់៕