នៅថ្ងៃនេះ ក្រុមហ៊ុនបច្ចេកវិទ្យា Sony បានប្រកាសបង្ហាញនូវកាសស្តាប់ wireless (TWS) earbuds ចុងក្រោយបំផុតរបស់ខ្លួននោះគឺ WF-SP800N ។​វាមានភ្ជាប់ជាមួយនឹងមុខងារ active noise cancelation (ANC) រួមជាមួយនឹងប្រព័ន្ធ IP55 សម្រាប់ការពារទឹក និងធូលីថែមទៀត។

កាសស្តាប់ថ្មីរបស់ក្រុមហ៊ុន Sony នេះគឺជាផ្នែកមួយនៃត្រកូល Extra Bass audio series ហើយវាគឺមានទម្ងន់ 9.5 grams ថែមទៀត។ វាក៏មាន Touch Control សម្រាប់ធ្វើការគ្រប់គ្រងទៅលើ  adaptive sound control បានថែមទៀត។ អ្នកអាចប្រើប្រាស់បានជាមួយនឹងកម្មវិធី Headphones Connect app, Bluetooth 5.0 ហើយអាចដំណើរការនៅលើ Android និង iOS ថែមទៀត។

ថាមពលថ្មរបស់កាសស្តាប់ម្ខាង  Sony នេះអាចប្រើប្រាស់បាន ១៣ ម៉ោង ហើយប្រអប់បញ្ចូលថាមពលថ្មរបស់វាគឺអាចប្រើប្រាស់បាន ៩ ម៉ោងថែមទៀត។ កាសស្តាប់ Sony WF-SP800N នេះមាន ៤ ពណ៌គឺពណ៌ខៀវ ស ខ្មៅ និងទឹកក្រូច។ តម្លៃលក់របស់វាគឺ  $200 (€185) ៕