ក្រុមហេគឃ័រមួយដែលមានឈ្មោះថា Shiny Hunters ចាប់ផ្តើមលក់មូលដ្ឋានទិន្នន័យដែលមានផ្ទុកទិន្នន័យរបស់អ្នកប្រើប្រាស់ច្រើនជាងចំនួន ៧៣,២ លាននាក់ពីក្រុមហ៊ុនចំនួន១១ផ្សេងគ្នានៅលើគេហទំព័រងងឹត(DarkWeb)។ ការដាក់លក់ចាប់ផ្តើមពីលក់ទិន្ន័យTokopediaដែលគេចែកចាយកាលពីសប្តាហ៍មុន ដោយក្នុងនោះមានកំណត់ត្រារបស់អ្នកប្រើប្រាស់ច្រើនជាង៩០លាននាក់ បន្ទាប់មកមានការដាក់លក់ទិន្ន័យ Unacademy និងក្រោយមកទៀតក្រុមហេគឃ័រនេះហេគលើគណនី GitHub របស់ក្រុមហ៊ុន Microsoft ។
ឥឡូវនេះ ក្រុមហេគឃ័រចាប់ផ្តើមលក់លេខសម្ងាត់នៅលើគេហទំព័រងងឹត ដែលមានប្រភពមកពីក្រុមហ៊ុនផ្សេងៗ។ នៅដំណាក់កាលដំបូង ទិន្នន័យរបស់ក្រុមហ៊ុនមួយចំនួន ដែលត្រូវគេដាក់លក់មានក្រុមហ៊ុនHomeChef ក្រុមហ៊ុនChatBooks និងក្រុមហ៊ុន Chronicle.com។
ប្រភព Bleeping computer ឃើញបញ្ចីឈ្មោះ និងតម្លៃដែលហេគឃ័រដាក់លក់មានដូចខាងក្រោម៖
ឈ្មោះក្រុមហ៊ុន | ចំនួនកំណត់ត្រា | តម្លៃលក់ |
Tokopedia | 91លាន | $5,000 |
Homechef | 8 លាន | $2,500 |
Bhinneka | 1.2 លាន | $1,200 |
Minted | 5 លាន | $2,500 |
Styleshare | 6 លាន | $2,700 |
Ggumim | 2 លាន | $1,300 |
Mindful | 2 លាន | $1,300 |
StarTribune | 1 លាន | $1,100 |
ChatBooks | 15 លាន | $3,500 |
The Chronicle Of Higher Education | 3 លាន | $1,500 |
Zoosk | 30 លាន | $500 |
អ្នកប្រើប្រាស់ទាំងអស់ត្រូវគេណែនាំឱ្យផ្លាស់ប្តូរលេខកូដសម្ងាត់សម្រាប់ Log ចូល។ វិធីសាស្ត្ររក្សាសុវត្ថិភាព៖
ប្រើលេខសម្ងាត់ស្មុគស្មាញ និងបង្កើតគោលការណ៍តឹងរឹង
ត្រួតពិនិត្យលេខសំងាត់ឱ្យទៀងទាត់ ប្រើការផ្ទៀងផ្ទាត់ពីរកត្តា (2FA) សម្រាប់គេហទំព័រសំខាន់ៗដូចជាការគ្រប់គ្រងគណនី និងអ៊ីម៉ែល ហើយនឹងសូមប្រាកដថាពាក្យសម្ងាត់ទាំងអស់មានតែមួយរឹងមាំ
ផ្លាស់ប្តូរលេខសម្ងាត់លំនាំដើមរបស់អ្នកផលិត នៅពេលធ្វើការកំណត់ដំបូង មុនពេលបញ្ជូនទៅនាយកដ្ឋានព័ត៌មានវិទ្យា
ប្រើប្រាស់ប្រព័ន្ធគ្រប់គ្រងពាក្យសម្ងាត់៕