ក្រុមហ៊ុនបច្ចេកវិទ្យា Asus នឹងប្រកាសបង្ហាញស្មាតហ្វូន ROG Phone 3 នៅក្នុងភាពជាដៃគូរជាមួយនឹងក្រុមហ៊ុន Tencent នេះបើតាមការប្រកាសបង្ហាញរបស់ក្រុមហ៊ុនទាំងពីរនេះនៅលើ Weibo ។ ការប្រកាសបង្ហាញស្មាតហ្វូននេះនឹងធ្វើឡើងនៅក្នុងខែកក្កដានេះ ប៉ុន្តែកាលបរិច្ឆេទរបស់វានៅមិនទាន់ច្បាស់នៅឡើយទេ។ ស្មាតហ្វូននេះនឹងមានលក្ខណៈពិសេសកាន់តែប្លែកពីស្មាតហ្វូន ROG Phone II ។

Tencent Games និយាយថា ខ្លួននឹងធ្វើការសហការគ្នាជាមួយនឹងក្រុមហ៊ុន Republic of Gamers នៅក្នុងប្រទេសចិនដើម្បីបង្កើតនូវបទពិសោធន៍កាន់តែអស្ចារ្យសម្រាប់អ្នកប្រើប្រាស់។ ដូចទៅនឹងឆ្នាំមុននេះផងដែរ យើងរំពឹងថា ក្រុមហ៊ុន Tencent នឹងផ្តល់នូវលក្ខណៈពិសេសកាន់តែអស្ចារ្យសម្រាប់ហ្គេមរបស់ខ្លួនផងដែរ។

ក្រុមហ៊ុនបុត្រសម្ព័ន្ធជាច្រើនរបស់ក្រុមហ៊ុននេះក៏អភិវឌ្ឍទៅលើហ្គេម Call of Duty: Mobile ផងដែរ។ សម្រាប់ស្មាតហ្វូន ROG Phone 3 នេះនឹងមានរ៉េមទំហំ 16GB ៕