កាលពីខែមុននេះ យើងបានដឹងថា ក្រុមហ៊ុនបច្ចេកវិទ្យា Samsung កំពុងតែធ្វើការនៅលើស្មាតហ្វូន Galaxy S20 Lite​ដែលមានពាក្យចចាមអារ៉ាមថានឹងបង្ហាញខ្លួននៅក្នុងខែតុលានេះ ហើយវាក៏បង្ហាញខ្លួននៅលើ Geekbench នៅដើមសប្តាហ៍នេះផងដែរជាមួយនឹងបន្ទះឈីប Snapdragon 865 SoC និងរ៉េមទំហំ 6GB ។ ស្មាតហ្វូន S20 Lite នេះមានពាក្យចចាមអារ៉ាមថានឹងមានឈ្មោះហៅថា Galaxy S20 Fan Edition ដែលអ្នកទម្លាយ Ice universe បញ្ជាក់ថា វានឹងមានអេក្រង់កម្រិត 120Hz ។

Ice universe មិនបានទម្លាយនូវទំហំអេក្រង់ និងកម្រិតភាពច្បាស់របស់ស្មាតហ្វូន Galaxy S20 Fan Edition នេះទេ ប៉ុន្តែស្មាតហ្វូននេះនឹងមានភ្ជាប់ជាមួយនឹង  IP68 សម្រាប់ការពារទឹក និងធូលី។ ស្មាតហ្វូននេះនឹងមានរន្ធប្រហោង 3.3mm punch hole សម្រាប់កាមេរ៉ា Selfie ផងដែរ។

អ្នកទម្លាយនេះបញ្ជាក់ថា ស្មាតហ្វូន Galaxy S20 Fan Edition នេះនឹងមានបន្ទះឈីប Snapdragon 865 SoC ។ ស្មាតហ្វូន Galaxy S10 Lite បង្ហាញខ្លួននៅក្នុងខែមករានៅឆ្នាំនេះ ហើយ Ice universe និយាយថា​ស្មាតហ្វូន  S20 Fan Edition នឹងបង្ហាញខ្លួននៅក្នុងត្រីមាសទី ៤ ឆ្នាំ ២០២០ នេះ៕