ក្រុមហ៊ុនបច្ចេកវិទ្យា OnePlus បានបញ្ចេញនូវភាគទី ៤ ដែលមានចំណងជើងថា New Beginnings នៅលើ YouTube កាលពីខែមុននេះអំពីស្មាតហ្វូន OnePlus Nord ហើយពេលនេះ ក្រុមហ៊ុនផលិតស្មាតហ្វូនរបស់ចិននេះក៏បញ្ចេញនូវ Trailer សម្រាប់មុខងារ Film ដែលនឹងដាក់អោយដំណើរការនៅថ្ងៃទី ១៨ ខែសីហានេះ។

ក្រុមហ៊ុន OnePlus និយាយថា សម្រាប់ឯកសារ New Beginnings នេះគឺបង្ហាញអំពីមុខងារនៃ film របស់ខ្លួន ប៉ុន្តែវានោមិនទាន់ច្បាស់នោះទេថាវីដេអូនេះមានតែ ៤ ភាគនោះ។ គួរបញ្ជាក់ផងដែរថា OnePlus Nord គឺជាស្មាតហ្វូនថ្នាក់កណ្តាលដែលមានបន្ទះឈីប Snapdragon 765G SoC ។ ស្មាតហ្វូននេះមានអេក្រង់ទំហំ 6.44″ FullHD+ 90Hz AMOLED ថាមពលថ្មទំហំ 4,115 mAh និងកាមេរ៉ា ៦ គ្រាប់ដែលមានកាមេរ៉ាខាងមុខទំហំ (32MP+8MP) និងកាមេរ៉ាខាងក្រោយ ៤ គ្រាប់ដែលមានទំហំ (48MP+8MP+5MP+2MP) ៕

សូមទស្សនាវីដេអូខាងក្រោមនេះ៖