ក្រុមហ៊ុនបច្ចេកវិទ្យា Nokia Mobile មានគម្រោងក្នុងការប្រកាសបង្ហាញនូវទូរស័ព្ទ Nokia ថ្មីជាច្រើនរបស់ខ្លួននៅក្នុងខែកញ្ញានេះ នេះបើតាមការបែកធ្លាយនៅក្នុងពេលថ្មីៗនេះ។ ស្មាតហ្វូន Nokia ថ្មីនេះគឺមានវត្តមានរបស់ Features Phone ជាច្រើនម៉ូឌែលផងដែរ។ ការប្រកាសនេះគឺនៅថ្ងៃទី ២២ ខែកញ្ញានេះ។ ក្រុមហ៊ុន Nokia Mobile នឹងមានព្រឹត្តិការណ៍ផ្សាយផ្ទាល់ផងដែរនៅលើ Facebook និងជាច្រើនទៀត។
នៅក្នុងលិខិតអញ្ជើញនេះ នៅមិនទាន់មានការទម្លាយនូវព័ត៌មានច្រើននៅឡើយទេ។ ព្រឹត្តិការណ៍នេះអាចនឹងមានការប្រកាសបង្ហាញនូវវត្តមានរបស់ Nokia 2.4 ដែលមានការឌីស្សាញថ្មីកាន់តែស្រស់ស្អាតផងដែរ។ សម្រាប់ Nokia 3.4 អាចនឹងមានអេក្រង់ Punch-Hole ផងដែរ៕