ក្រុមហ៊ុនបច្ចេកវិទ្យា Realme បានប្រកាសបង្ហាញនូវស្មាតហ្វូន 5G របស់ខ្លួននៅក្នុងខែតុលានេះ ហើយពេលនេះ ស្មាតហ្វូន Realme Q2 Pro ក៏មានពណ៌ថ្មីពីរទៀតនោះគឺពណ៌ខៀវ និងពណ៌ស។ កាលពីដំបូងឡើយ ស្មាតហ្វូននេះគឺមានពណ៌ Leather Gray និង Rainbow ហើយពេលនេះវាគឺមានការបន្ថែមជាមួយនឹងពណ៌ Sea Blue និង Fantasy White ។
សម្រាប់ស្មាតហ្វូននេះគឺមានបន្ទះឈីប Dimensity 800U chipset ជាមួយនឹងការទ្រទ្រង់ទៅលើបច្ចេកវិទ្យា 5G ថាមពលថ្មទំហំ 4,300 mAh និងបច្ចេកវិទ្យា 65W fast charging និងកាមេរ៉ាគោល 48MP ថែមទៀត។ ផ្នែកខាងមុខរបស់ស្មាតហ្វូននេះគឺមានទំហំ 6.4” AMOLED ជាមួយនឹងកម្រិត 180Hz touch sampling rate ផងដែរ។ ពណ៌ថ្មីរបស់ស្មាតហ្វូននេះក៏មានការបង្ហាញនៅលើវេបសាយរបស់ក្រុមហ៊ុន Realme ផងដែរ ហើយស្មាតហ្វូននេះគឺមានតម្លៃ CNY1,799 (8/128 GB) ឬ CNY1,999 (8/256 GB) ចាប់ពីថ្ងៃទី ១២ ខែធ្នូនេះ៕