ក្រុមហ៊ុន Realme បានប្រកាសបង្ហាញវត្តមានរបស់នាឡិកា Watch S របស់ខ្លួននៅក្នុងខែវិច្ឆិកានេះ ហើយវាក៏នឹងប្រកាសបង្ហាញនូវជំនាន់ថ្មីរបស់វានោះគឺ Pro version ផងដែរ។ ក្រុមហ៊ុននេះក៏បង្ហោះនូវរូបភាពមួយដែលមានការបង្ហាញនូវផលិតផលថ្មីដែលមានឈ្មោះហៅថា “Stylish New Pro” ។
តាមការទម្លាយចេញពីនាយកប្រតិបត្តិលោក Madhav ក៏មានការបង្ហាញអំពីមុខនាឡិការបស់នាឡិកានេះផងដែរ។ នាឡិកា Watch S នេះគឺត្រៀមខ្លួនក្នុងការលក់រួចរាល់ហើយ ប៉ុន្តែនៅក្នុង hashtags របស់វាក៏មានការប្រើប្រាស់នូវពាក្យថា Watch S Pro បានដែរ។ យើងអាចមើលឃើញថា នាឡិកានេះគឺមានមុខមូល ប៊ូតុងពីរនៅផ្នែកខាងស្តាំង និងខ្សែជ័រ។ ភាពខុសគ្នារបស់វាគឺសម្រាប់ម៉ូឌែលថ្មីនេះគឺមានមុខងារ GPS និង NFC ក្នុងការប្រើប្រាស់៕