ពេលនេះ Google Chrome, Firefox, Microsoft Edge និង Yandex បានក្លាយជាគោលដៅសម្រាប់មេរោគ  malware ដែលមានឈ្មោះហៅថា Adrozek ដែលត្រូវបានបង្ហាញដោយក្រុមហ៊ុន Microsoft ។ មេរោគនេះគឺបង្ហាញនូវការផ្សាយពាណិជ្ជកម្ម  ads នៅក្នុងការ Search និងបន្ថែមនូវ browser extensions ដែលមានមេរោគ ហើយវាបានធ្វើអោយមានការប៉ះពាល់ដល់ឧបករណ៍ប្រហែលជា ៣០,០០០ គ្រឿងក្នុងមួយថ្ងៃផងដែរ។

គោលដៅសំខាន់របស់មេរោគ Adrozek គឺនាំអ្នកប្រើប្រាស់ទៅកាន់ទំព័រ Pages ។ មេរោគនេះស្ងាត់ៗបានបន្ថែមនូវ browser extensions ដែលមានមេរោគ​និងធ្វើការផ្លាស់ប្តូរនូវ browser settings  ផងដែរ។ វាក៏ធ្វើការកែប្រែទៅលើ Dynamic Link Library (DLL) files , MsEdge.dll នៅក្នុង Microsoft Edge ដើម្បីបិទនូវការគ្រប់គ្រងសុវត្ថិភាពផងដែរ។

 ក្រុមហ៊ុន Microsoft  អះអាងថា ចាប់ពីខែឧសភាដល់ខែកញ្ញានេះ ខ្លួនបានរកឃើញនូវការប៉ះពាល់ជាច្រើនពាន់ករណីដោយសារតែមេរោគ Adrozek malware  នេះ។ ក្រុមហ៊ុន Microsoft រំពឹងថា ប្រតិបត្តិការនៃមេរោគ Adrozek នេះនឹងកើនឡើងខ្លាំងក្លាបន្ថែមទៀតនៅក្នុងប៉ុន្មានខែខាងមុខនេះ។ គួរបញ្ជាក់ថា កម្មវិធីកម្ចាត់មេរោគ Microsoft Defender ដែលមានស្រាប់នៅលើ Windows 10 ក៏អាចរារាំងទៅលើមេរោគ Adrozek នេះបានផងដែរ។ សូមធ្វើការអាប់ដេតជាប្រចាំទៅលើប្រព័ន្ធប្រតិបត្តិការរបស់អ្នក៕