នេះគឺជាឆ្នាំ 2021 ហើយយើងក៏បន្តនិយាយអំពីស្មាតហ្វូន iPhone ផងដែរ។ នេះគឺជាស្មាតហ្វូន iPhone 13 ហើយនៅក្នុងរបាយការណ៍ដំបូងនៅឆ្នាំនេះបញ្ជាក់ថា ស្មាតហ្វូនម៉ូឌែល Pro ទាំងពីរនេះគឺមានអេក្រង់ 120Hz OLED ពីក្រុមហ៊ុន Samsung ផងដែរ។ នៅថ្ងៃនេះគឺមានការទម្លាយអំពីការឌីស្សាញនៅលើស្មាតហ្វូនថ្មីនេះ។

តាមការបញ្ជាក់នៅក្នុងប្លុករបស់ជប៉ុន MacOtakara បញ្ជាក់ថា ស្មាតហ្វូន iPhone 13 នេះនឹងមានគែមរាបស្មើដូចទៅនឹងស្មាតហ្វូន iPhone 12 ផងដែរ ប៉ុន្តែវាមានកម្រាស់ក្រាស់ជាងមុនដល់ទៅ 0.26mm ហើយវានឹងមាន notch តូចជាងមុនថែមទៀត។ សម្រាប់ការឌីស្សាញរូបរាងរបស់ស្មាតហ្វូននេះគឺស្រដៀងគ្នាទៅនឹងម៉ូឌែលមុនៗផងដែរ។ បន្ថែមពីនេះទៀតនោះ កាមេរ៉ាខាងក្រោយរបស់ស្មាតហ្វូននេះគឺមានការរក្សានូវរូបរាងដដែល។ ដូចនេះ ស្មាតហ្វូន iPhone 13 នេះគឺដូចគ្នាទៅនឹងកាមេរ៉ារបស់ម៉ូឌែល iPhone 12 ផងដែរ៕