ក្រុមហ៊ុន Razer បានសម្រេចចិត្តក្នុងការប្រកាសបង្ហាញនូវវ៉ែនតាឆ្លាតវៃរបស់ខ្លួននោះគឺ Anzu ។ វ៉ែនតានេះគឺមានមុខងារ audio ផងដែរ។ វាស្រដៀងគ្នាទៅនឹងវ៉ែនតា Bose audio sunglasses ផងដែរ។ អ្នកអាចធ្វើការ Stream ទៅលើតន្រ្តីបាននៅលើវ៉ែនតានេះ ហើយអ្នកអាចនិយាយបានជាមួយនឹង Microphone នៅលើវ៉ែនតាថែមទៀត។
វ៉ែនតា Razer Anzu នេះមានពីរប្រភេទមួយគឺមានរូបរាងចតុកោណកែង ហើយមួយទៀតគឺមានរូបរាងមូល។ វាមានប្រភេទដងតូច និងដងធំក្នុងការប្រើប្រាស់ផងដែរ។ គួរបញ្ជាក់ផងដែរថា វ៉ែនតានេះអាចកាត់បន្ថយនូវពន្លឺពណ៌ខៀវរបស់កុំព្យូទ័របានដល់ទៅ ៣៥% ថែមទៀត។ កាន់តែពិសេសជាងនេះទៀតនោះ វ៉ែនតានេះគឺមានមុខងារ IPX4 និងអាចប្រើប្រាស់បាន៥ ម៉ោងថែមទៀត។ វ៉ែនតា Razer Anzu នេះគឺមានតម្លៃ $200/€210 ៕