នៅថ្ងៃទី 27 ខែមេសានេះ ទិន្នន័យរបស់អតិថិជននៅលើហាងលក់គ្រឿងទេសអនឡាញ BigBasket ជាង 20 លានទិន្នន័យត្រូវចែកចាយលើវេទិកាហេគឈ្មោះថា “ShinyHunter”។ នៅលើវេទិកាហេគនេះ គេឃើញមានការបង្ហោះនូវទិន្នន័យទាំងអស់របស់អតិថិជនហាង BigBasket សម្រាប់ដោនឡូតឥតគិតថ្លៃ។

នៅក្នុងទិន្នន័យដែលហេគឃ័រលួចបានជាង 20 លាននេះ កាលពីមុនត្រូវបានដាក់លក់នៅលើវេបសាយងងឹត (Dark Web) កាលពីខែវិច្ឆិកា ឆ្នាំ 2020 ។ ក្រុមអ្នកជំនាញសុវត្ថិភាពនិយាយថា វេទិកាហេគ ShinyHunter នេះក៏ធ្លាប់ទម្លាយនូវទិន្នន័យជាច្រើនដូចជា Tokopedia, TeeSpring, Minted, Chatbooks, Dave, Promo, Mathway, Wattpad ។ នៅក្នុងទិន្នន័យជាង 20 លាននេះមានអ្នកប្រើប្រាស់ជាង 700,000 នាក់ប្រើប្រាស់លេខសម្ងាត់ថា “password” ។

ទិន្នន័យបែកធ្លាយនេះមានព័ត៌មានលម្អិតអតិថិជនរបស់ហាង BigBasket ដូចជាអ៊ីម៉ែល លេខសម្ងាត់ អាសយដ្ឋាន លេខទូរស័ព្ទ និងព័ត៌មានជាច្រើនទៀត។ អ្នកជំនាញសុវត្ថិភាពផ្តល់យោបល់អោយអតិថិជនទាំងអស់របស់ហាង BigBasket ផ្លាស់ប្តូរនូវលេខសម្ងាត់របស់ពួកគេ៕