ក្រុមហ៊ុនបច្ចេកវិទ្យា Apple ទើបតែប្រកាសបង្ហាញនូវកាសស្តាប់ AirPods 3 TWS នាពេលថ្មីៗនេះ ហើយរបាយការណ៍ថ្មីនេះទម្លាយថា ក្រុមហ៊ុនបច្ចេកវិទ្យាយក្សនេះក៏នឹងបញ្ចេញនូវកាសស្តាប់ Beats Fit Pro TWS នៅថ្ងៃទី 01 ខែវិច្ឆិកាខាងមុខនេះផងដែរ។

ព័ត៌មានទម្លាយចេញពី 9to5Mac បញ្ជាក់ថា កាសស្តាប់ Beats Fit Pro នេះគឺស្រដៀងគ្នាទៅនឹងកាសស្តាប់ Beats Studio Buds ដែលបង្ហាញខ្លួនកាលពីប៉ុន្មានខែមុននេះ។ កាសស្តាប់ Fit Pro នេះនឹងមានមុខងារ Active Noise Cancellation (ANC) និងបន្ទះឈីប Apple&#039s H1 chip ហើយវាអាចប្រើប្រាស់បានជាមួយនឹងឧបករណ៍ Apple និង Siri បាន។

កាសស្តាប់ Fit Pro នេះមាន Class 1 Bluetooth និង accelerometer ដើម្បីកាត់បន្ថយនូវសំឡេងរំខានពីខាងក្រៅផងដែរនៅពេលដែលប្រើប្រាស់នូវ microphone ។ កាសស្តាប់នេះអាចប្រើប្រាស់បានរយៈពេល 6 ម៉ោង៕