ក្រុមហ៊ុន Huawei បានឈ្នះពានរង្វាន់ទូរស័ព្ទល្អបំផុតផ្នែករចនាសម្ព័ន្ធជាមួយនឹងដំណោះស្រាយ LampSite ប្រកបដោយភាពច្នៃប្រឌិតរបស់ខ្លួន នៅក្នុងពិព័រណ៍ទូរស័ព្ទពិភពលោកឆ្នាំ២០១៥ នៅ ទីក្រុង បាសេឡូណា ប្រទេសអេស្ប៉ាញ ថ្ងៃទី០៣ ខែមីនា ឆ្នាំ ២០១៥។
ក្នុងនាមជាអ្នកផ្តល់ដំណោះស្រាយក្នុងឧស្សាហកម្មទូរស័ព្ទដៃ Huawei LampSite កំពុងឈានមុខគេនៅក្នុងការច្នៃប្រឌិតថ្មី តាមរយៈការភ្ជាប់បណ្តាញស្ថាបត្យកម្ម ឌីជីថល ដែលមានប្រព័ន្ធ និងសមត្ថភាពប្រតិបត្តិការ ដែលផ្តល់បទពិសោធន៍ក្នុងការប្រើប្រាស់
អ៊ីនធើណេតតាមទូរស័ព្ទកាន់តែប្រសើរជាងមុន បង្កើនផលិតភាពអាជីវកម្ម សម្រាប់សហគ្រាស និងជ្រោមជ្រែងការអភិវឌ្ឍទិន្នន័យផ្នែកសេវាកម្ម និងអតិថិជនថ្មី។
លោក Ryan Dingប្រធានផ្នែកផលិតផលនិងដំណោះស្រាយទទួលពានរង្វាន់ក្នុងនាមក្រុមហ៊ុន Huawei
លោក Ryan Ding ប្រធានផ្នែកផលិតផល និងដំណោះស្រាយរបស់ក្រុមហ៊ុន Huawei បានមានប្រសាសន៍ថា៖ «យើងចង់យកឱកាសនេះដើម្បីសម្តែងការដឹងគុណរបស់យើងចំពោះគណៈកម្មការវិនិច្ឆ័យ មិត្តរួមការងារក្នុងវិស័យឧស្សាហកម្ម និង GSMA ទាំង អស់។ ចក្ខុវិស័យរបស់យើង គឺបើកផ្លូវដើម្បីឱ្យមានការតភ្ជាប់ពិភពលោក កាន់តែប្រសើរ ហើយដំណោះស្រាយ LampSite គឺជាផ្នែកមួយនៃកត្តាផ្សេងៗទៀត ដែលអនុញ្ញាតឱ្យយើងដើម្បីសម្រេចបាននូវចក្ខុវិស័យនេះ។ ក្នុងនាមជាដៃគូប្រតិបត្តិកររបស់យើង យើងមានមោទនភាពជាខ្លាំង ដែលបានបង្ហាញ និងផ្សព្វផ្សាយជាលើកដំបូង នូវដំណោះស្រាយ LampSite អស់រយៈពេលជិតពីរឆ្នាំមកនេះ។ ដំណោះស្រាយនេះ ត្រូវបានរចនាឡើងឲ្យកាន់តែមានមាត្រដ្ឋាន អាចបត់បែនបាន និងងាយស្រួលក្នុងការរៀបចំ និងគ្រប់គ្រង។ ជាការពិតនៅក្នុងខួបលើកទី២០ នៃពានរង្វាន់ GSMA នេះ ផលិតផលឥតខ្សែរបស់ Huawei ក៏បានប្រារព្ធខួបលើកទី២០របស់ខ្លួនផងដែរ។ រយៈពេល២០ ឆ្នាំកន្លងមកនេះ ក្រុមហ៊ុន Huawei បានខិតខំអស់ពីសមត្ថភាព ដើម្បីជំរុញឧស្សាហកម្មទូរស័ព្ទឲ្យដើរទៅមុខជានិច្ច តាមរយៈការសហការគ្នាលើការធ្វើពាណិជ្ជកម្ម ការច្នៃប្រឌិតថ្មី និងមានស្តង់ដារ។ ដោយសម្លឹងឆ្ពោះទៅមុខជានិច្ច យើងនឹងបន្តផ្តោតទៅលើការបង្កើតថ្មីដោយចាត់ទុកអតិថិជនជាធំ ហើយយើងនៅតែប្តេជ្ញាចិត្ត ធ្វើជាដៃគូពាណិជ្ជកម្មដ៏ល្អបំផុត សម្រាប់អតិថិជនរបស់យើងនៅទូទាំងពិភពលោក»។
លោក Ryan Ding ឡើងសម្តែងចំណាប់អារម្មណ៍
រួមជាមួយនឹងការផ្លាស់ប្តូរបណ្តាញប្រតិបត្ដិការ ការផ្តោតអារម្មណ៍របស់ខ្លួនពីសំឡេងទៅចរាចរណ៍ បណ្តាញស្ថាបត្យកម្ម និងបទពិសោធន៍របស់អ្នកប្រើប្រាស់ ក្លាយជាគន្លឹះដ៏សំខាន់ក្នុងការអភិវឌ្ឍយុទ្ធសាស្រ្តសម្រាប់ប្រតិបត្តិករទាំងឡាយ។ ក្នុងពេលថ្មីៗនេះ ប្រតិបត្តិករ បានបំពាក់ប្រព័ន្ធ Huawei LampSite ទាំងស្រុង នៅព្រលានយន្តហោះអន្តរជាតិទីក្រុងប៉េកាំង ក្នុងប្រទេសចិន។ ការដាក់ពង្រាយទាំងអស់ប្រើពេលតែបីខែប៉ុណ្ណោះ ហើយការចំណាយសរុបបានថយចុះ ៥០% បើប្រៀបធៀបនឹងការដាក់ពង្រាយពីមុន ហើយនៅក្នុងការសាកល្បងនេះ មានអត្រាខ្ពស់បំផុតឈានដល់ ១៤០ Mbps ដែលអាចបង្កើនបទពិសោធរបស់អ្នកប្រើប្រាស់កាន់តែប្រសើរឡើង។ វាត្រូវបានគេប៉ាន់ប្រមាណថា ការវិនិយោគទាំងអស់របស់ប្រតិបត្តិករ នឹងត្រូវបានត្រឡប់មកវិញក្នុងរយៈពេលពីរឆ្នាំ។ ចាប់ពីពេលនេះតទៅ ដំណោះស្រាយ LampSite របស់ Huawei ត្រូវបានលក់ទៅឲ្យក្រុមហ៊ុនទូរស័ព្ទចល័តជាង ៧០ ដែលបានរីករាលដាលនៅក្នុងតំបន់អឺរ៉ុប អាស៊ីអាគ្នេយ៍ មជ្ឈឹមបូព៌ា និងអាមេរិកឡាទីន។
គណៈកម្មការបានមានប្រសាសន៍ថា៖ «នេះបង្ហាញថា ការសន្យាមានសារៈសំខាន់បំផុតនៅក្នុងការជួយដល់ប្រតិបត្តិករទូរស័ព្ទឲ្យកាន់តែប្រសើរឡើង ទាំងគុណភាព និងសមត្ថភាព ដោយប្រើត្រឹមតែសម្ភារៈបច្ចេកវិទ្យាតូចតាចប៉ុណ្ណោះ»។
ពានរង្វាន់ Global Mobile Awards គឺជាពានរង្វាន់ដែលគេចង់បានច្រើនបំផុតបន្ទាប់ពីបានប្រគល់រង្វាន់ជាច្រើន ដល់វិស័យទូរគមនាគមន៍ក្នុងពិភពលោក។ ពានរង្វាន់នេះ បានបង្កើតឡើងនៅក្នុងឆ្នាំ ១៩៩៦ និងបានទាក់ទាញក្រុមហ៊ុននានាមកពីជុំវិញពិភពលោក ហើយត្រូវបានវិនិច្ឆ័យដោយក្រុមអ្នកជំនាញដែលមានឯករាជ្យ និងទទួលបានការគោរពយ៉ាងខ្ពស់។ ពានរង្វាន់ទូរស័ព្ទល្អបំផុតផ្នែករចនាសម្ព័ន្ធ របស់ Global Mobile Awards គឺជាពានរង្វាន់មួយដ៏មានតម្លៃ និងមានការប្រកួតប្រជែងបំផុតរបស់ពិភពលោកនៅក្នុងឧស្សាហកម្មទូរស័ព្ទចល័ត។ ពិព័រណ៍ទូរស័ព្ទពិភពលោកគឺជាព្រឹត្តិការណ៍ដាក់បង្ហាញទូរស័ព្ទដៃកម្រិតខ្ពស់បំផុត ខណៈពេលដែលពានរង្វាន់ GSMA ជាមហាកិត្តិយសដ៏ធំនៅក្នុងឧស្សាហកម្មទូរស័ព្ទដៃ។
កម្មវិធី MWC ឆ្នាំ ២០១៥ ធ្វើឡើងនៅក្នុងទីក្រុង បាសេឡូណា ពីថ្ងៃទី០២-០៥ ខែមីនា ។ ក្រុមហ៊ុន Huawei នឹងដាក់បង្ហាញផលិតផលនិងដំណោះស្រាយចុងក្រោយបំផុតរបស់ខ្លួន នៅសាល Fira Gran Via Hall 1 និង Hall 3 ។
អំពីក្រុមហ៊ុនHuawei
ក្រុមហ៊ុន Huawei គឺជាក្រុមហ៊ុនផ្តល់ដំណោះស្រាយ ផ្នែកព័ត៌មានវិទ្យា និង បច្ចេកវិជ្ជាទូរគមនាគមន៍ (ICT) ដ៏ឈានមុខគេ នៅលើពិភពលោក។ គោលដៅរបស់យើង គឺដើម្បីបង្កើនគុណភាព និងប្រសិទ្ធភាពជីវិត តាមរយៈការភ្ជាប់ទំនាក់ទំនងនៅលើពិភពលោកឲ្យកាន់តែល្អប្រសើរជាងមុន បំពេញតួនាទីជាក្រុមហ៊ុនដែលដែលមានទំនួលខុសត្រូវ បង្កើនសមត្ថភាពច្នៃប្រឌិតថ្មីសម្រាប់សង្គម និងព័ត៌មាន ព្រមទាំងការរួមចំណែកសហការនៅក្នុងវិស័យឧស្សាហកម្ម។ ដំណើរការដោយយកអតិថិជន ការច្នៃប្រឌិត និងបើកចំហភាពជាដៃគូជាធំ ក្រុមហ៊ុន Huawei បានបង្កើតដំណោះស្រាយ ICT ដែលទំនើប និងទាន់សម័យបំផុត ដែលផ្តល់ឱ្យអតិថិជននូវអត្ថប្រយោជន៍ប្រកួតប្រជែង នៅក្នុងបណ្តាញទូរគមនាគមន៍ សហគ្រាសឧបករណ៍ប្រើប្រាស់ និងបណ្តាញ Cloud ។
ក្រុមហ៊ុន Huawei មានបុគ្គលិកចំនួន ១៧០.០០០ នាក់នៅទូទាំងពិភពលោក ដែលបានប្តេជ្ញាចិត្តក្នុងការបង្កើតតម្លៃអតិបរមា សម្រាប់ប្រតិបត្តិករទូរគមនាគមន៍ សហគ្រាស និងអតិថិជន។ ដំណោះស្រាយ ICT ប្រកបដោយភាពច្នៃប្រឌិត ផលិតផល និងសេវាកម្មរបស់យើង ត្រូវបានចែកចាយទៅដល់ជាង ១៧០ ប្រទេស បម្រើឲ្យអតិថិជនច្រើនជាងមួយភាគបីនៃចំនួនប្រជាជនសរុបនៅលើពិភពលោក។ ក្រុមហ៊ុន Huawei បង្កើតឡើងនៅក្នុងឆ្នាំ ១៩៨៧ ជាក្រុមហ៊ុនឯកជនមួយ ដែលគ្រប់គ្រងយ៉ាងពេញលេញ ដោយបុគ្គលិករបស់ខ្លួន។
សម្រាប់ព័ត៌មានបន្ថែម សូមចូលទៅកាន់គេហទំព័រ៖