“រាងឡូយបច្ចេកវិទ្យាក៏ឡូយ”។ ឃ្លានេះគឺគ្មានសំដៅទៅលើអ្វីក្រៅពីស្មាតហ្វូនលំដាប់ពិភពលោកស៊េរីថ្មី ដែលទើបតែចេញលក់ជាផ្លូវការនៅកម្ពុជានោះទេ។ ក្រុមហ៊ុន Huawei ដែលជាក្រុមហ៊ុនស្មាតហ្វូនលំដាប់លេខបីពិភពលោកប្រចាំប្រទេសកម្ពុជាបានសម្ពោធ Huawei G7 Plus នៅរោងភាពយន្ត Major Cineplex កាលពីថ្ងៃទី 10 ខែតុលា ឆ្នាំ2015 ដោយមានការចូលរួមពីសំណាក់អ្នកគាំទ្រយ៉ាងច្រើនកុះករ។
លោក ល៉ីវ ស៊ីយ៉ាង ហៅជេសុន នាយកគ្រប់គ្រងផ្នែកលក់ និងទីផ្សារក្រុមហ៊ុន Huawei ប្រចាំប្រទេសកម្ពុជាបានឲ្យដឹងថាចំណុចលេចធ្លោបំផុតរបស់ Huawei G7 Plus គឺ រូបរាង ថាមពលថ្ម កាមេរ៉ា និងបច្ចេកវិទ្យាសម្គាល់ក្រយ៉ៅដៃជំនាន់ថ្មីតែម្ដង។
លោកបានបញ្ជាក់ថា អេក្រង់របស់ Huawei G7 Plus ជាប្រភេទ FHD ទំហំ 5.5 អ៊ីញដែលមានរាងកោង 2.5Dអាចបង្កើតបាននូវរូបភាពដូចទៅនឹងរូបភាព 3D នឹងការពារស្នាមឆូត និងប្រេះបានល្អប្រសើរ។ កាមេរ៉ាមានសមត្ថភាពខ្ពស់អាចថតរូបបានគ្រប់ស្ថានភាពពន្លឺព្រោះមានមុខងាររក្សាទំនឹងក្នុងពេលថត (Optical Image Stabilisation) ដែលជាទូទៅមានតែនៅក្នុងប្រភេទកាមេរ៉ាអាជីព Digital-SLRs ប៉ុណ្ណោះ។ ចំពោះថ្មមានថាមពល 3000 mAh ដែលអាចមើលវីដេអូ Online បានរហូតដល់ 08 ម៉ោង និយាយទូរស័ព្ទបាន 10 ម៉ោង និងលេងអ៊ីនធើណេតបាន 06 ម៉ោង។ រីឯបច្ចេកវិទ្យាសម្គាល់ក្រយ៉ៅដៃវិញមានសភាពលឿន និងឆ្លាតជាងមុន ក្នុងការថតរូបភាព ទទួលការហៅចូល និងបិតម៉ោងរោទិ៍ជា និងដោះសោដោយប្រើក្រយ៉ៅដៃមិនថាស្ងួត ឬក៏សើមក្នុងរយៈពេលត្រឹមតែ 0.5 វិនាទី ឬមួយពព្រិចភ្នែកប៉ុណ្ណោះ។
គួរបញ្ជាក់ថា កំពូលតារាចម្រៀងមាស សុខសោភា អគ្គរាជទូតសុឆន្ទៈរបស់ស្មាតហ្វូន Huawei ប្រចាំប្រទេសកម្ពុជា គឺជាតារាកត្តិយស សម្ដែង និងច្រៀងចម្រៀងថ្មីៗពេញនិយមក្នុងកម្មវិធីសម្ពោធ Huawei G7 Plus នេះ។
ក្រៅពីការសម្តែង និងចៀងចម្រៀងដ៏ពិរោះរណ្ដំពីសំណាក់ កញ្ញា មាស សុខសោភា ក៏មានផងដែរនូវកម្មវិធីជ្រើសរើសជ័យលាភី Huawei Cute Girl & Boy 2015 និងកម្មវិធីប្រកាសលទ្ធផលការប្រកួតសរសេរអត្ថបទពាណិជ្ជកម្មស្ដីពីផលិតផលម៉ាក Huawei ប្រចាំឆ្នាំ 2015 ផងដែរ។ ក្នុងបេក្ខនារី 3 រូបបានក្លាយជា Huawei Cute Girl 2015 គឺចំណាត់ថ្នាក់លេខមួយកញ្ញា Oun Leak Sweetie លេខពីរកញ្ញា Juddi និងលេខបីកញ្ញា Lyly Cambodia Cutie សម្រាប់បេក្ខជន 3 នាក់ដែលបានក្លាយជា Huawei Cute Boy 2015 គឺលេខមួយលោក Yaco Nomo លេខពីរលោក Saren Piseth និងលេខបីលោក Mrr Rako Real។ Huawei Cute Girl & Boy ទាំងអស់សុទ្ធសឹងតែទទួលបានស្មាតហ្វូន Huawei ម្នាក់មួយគ្រឿង។ ចំណែកជ័យលាភីការប្រកួតសរសេរអត្ថបទពាណិជ្ជកម្មស្ដីពីផលិតផលម៉ាក Huawei ប្រចាំឆ្នាំ 2015 ចំណាត់ថ្នាក់លេខមួយបានទៅលើ លោក ផេងលីន មកពីទស្សនាវត្តីអេឡិចត្រូនិចវើល លេខពីរបានទៅលើ លោក សុផា មកពី ITCITY លេខបី លោក ប៊ុនណារា មកពី Sabay និងលេខបួន លោក ឆាយ ហ័រ មកពីទស្សនាវដ្ដីទូរស័ព្ទ។
សូមជម្រាបថាឥឡូវនេះ Huawei G7 Plus ចេញលក់នៅក្នុងទីផ្សារកម្ពុជាហើយ ក្នុងតម្លៃ $349 ជាមួយការថែមជូន ដង Selfie ស្រោមហ្ស៊ីន និងស៊ីម Smart លេខល្អ ដែលមានទឹកប្រាក់ $5 ក្រៅប្រព័ន្ធ(ម្ដង) ព្រមទាំង $10 ក្នងប្រព័ន្ធ និងអ៊ីនធើណេត 4GB ជារៀងរាល់ខែរយៈពេល 1ឆ្នាំ ដោយគ្រាន់តែបញ្ចូលទឹកប្រាក់ $2 ចាប់ពីខែទីពីរតទៅ។
ព័ត៌មានបន្ថែម៖
https://www.facebook.com/HuaweiDeviceCambodia
ទំនាក់ទំនងផ្នែកព័ត៌មាន៖