Phone City Magazine

 Breaking News
សេចក្តីជូនដំណឹង : សម្រាប់ការអញ្ជើញចូលរួមកម្មវិធីសម្ពោធនាៗ សូមទំនាក់ទំនងទៅកាន់លេខ 010 97 35 45។ ពេលនេះប្រិយមិត្តទាំងអស់របស់ ទស្សនាវដ្តី ទីក្រុងពត៌មានវិទ្យា និងទីក្រុងទូរស័ព្ទ អាចអានទស្សនាវដ្តីទីក្រុងពត៌មានវិទ្យា និងទីក្រុងទូរស័ព្ទនៅលើស្មាតហ្វូនរបស់អ្នកបានដោយសេរី។ សូមចូលទៅកាន់ App Store និងវាយពាក្យថា IT City Magazine ឬចូលទៅកាន់គេហទំព័រ www.itcity.com.kh/dl/download ដើម្បីទាញយកទស្សនាវដ្តី FREE! ផ្សាយពាណិជ្ជកម្មជាមួយទស្សនារដ្តីទីក្រុងទូរស័ព្ទ និងទីក្រុងពត៌មានវិទ្យាដោយឥតគិតថ្លៃ ។ ទំនាក់ទំនងផ្សាយពាណិជ្ជកម្មៈ 010 97 35 45 / 010 67 67 67

ក្រុមហ៊ុន Grab បើកដំណើរការកម្មវិធីសប្បុរសធម៌ដើម្បីឧបត្ថម្ភគាំទ្រចំពោះការថែទាំសុខភាពដល់កុមារនៅមន្ទីរពេទ្យគុន្ធបុប្ផា

February 13
12:44 pm 2018
Like and Share this page:
  • ចាប់ពីពាក់កណ្ដាលខែកុម្ភៈ ដល់ពាក់កណ្ដាលខែមេសា រាល់ការធ្វើដំណើរជាមួយកម្មវិធី Grab ម្តងៗ ទឹកប្រាក់ចំនួន$1 នឹងត្រូវបានចូលរួមបរិច្ចាគដល់មូលនិធិមន្ទីរពេទ្យគន្ធបុប្ផាសម្រាប់កុមារដែលមានភាពខ្វះខាតតាមរយៈការប្រើលេខកូដ KANTHA

  • កិច្ចសហការណ៍នេះបង្ហាញពីការខិតខំប្រឹងប្រែងរបស់ Grab នៅ​ក្នុងការចូលរួមលើកកម្ពស់ ការថែទាំអាយុជីវិតរបស់ប្រជាជនកម្ពុជានៅក្នុង​ឱកាសពិធីបុណ្យចូលឆ្នាំចិន និងពិធីបុណ្យចូលឆ្នាំខ្មែរ

  • ថវិការដែលប្រមូលបាននឹងត្រូវផ្ដល់ជូនទៅមន្ទីរពេទ្យដើម្បីឧបត្ថម្ភដល់ការព្យាបាលនិងថែទាំសុខភាពដល់កុមារ

Grab ដែលជាក្រុមហ៊ុនផ្គត់ផ្គង់តម្រូវការសេវាកម្មធ្វើដំណើរ ​និង ការទូទាត់ប្រាក់ចល័តតាមទូរស័ព្ទ ឈានមុខគេនៅតំបន់អាស៊ីគ្នេយ៍នៅថ្ងៃនេះ បានធ្វើការប្រកាសពីការបើកដំណើរការកម្មវិធីសប្បុរសធម៌ ដោយបានចាប់ដៃគូ ជាមួយនឹងមន្ទីរពេទ្យគន្ធបុប្ផា។  ចាប់ពីថ្ងៃទី 12 ខែកុម្ភៈ ដល់ថ្ងៃទី 16 ខែមេសា ឆ្នាំ 2018 ក្រុមហ៊ុន Grab នឹងចូលរួមបរិច្ចាគទឹកប្រាក់ចំនួន $1 តាមរយៈការប្រើប្រាស់កូដ KANTHA ទៅដល់មន្ទីរពេទ្យគន្ធបុប្ផា។ ថវិការដែលប្រមូលបាន នឹងយកទៅចូលរួមឧបត្ថម្ភដល់ការថែទាំសុខភាពសម្រាប់កុមារ ដែលមានការខ្វះខាត។ ការចាប់ផ្ដើមកម្មវិធីបរិច្ចាគនេះ ត្រូវបានធ្វើឡើងនៅមន្ទីរពេទ្យគន្ធបុប្ផា ក្រោមអធិបតីភាពរបស់ ឯកឧត្តម ស៊ុន ចាន់ថុល ដែលជាទេសរដ្ឋមន្តី្រ និង រដ្ឋមន្រ្តីក្រសួសាធារណការ និងដឹកជញ្ជូន រួមជាមួយ លោកវេជ្ជបណ្ឌិត Denis Laurent ដែលជាអនុប្រធានមន្ទីរពេទ្យគន្ធបុប្ផា។

 image

លោក Wee Tang Yee ជាប្រធានក្រុមហ៊ុន Grab​ ប្រចាំប្រទេសថៃនិងកម្ពុជា បានមានប្រសាសន៍ថា "បេសកកម្មរបស់ Grab គឺដើម្បីលើកកម្ពស់ជីវភាពរស់នៅ តាមរយៈបច្ចេកវិទ្យារបស់យើង" ។ លោកបានបន្តថា "ក្នុងនាមជាក្រុមហ៊ុនដែលមានមូលដ្ឋានក្នុងស្រុកមួយ យើងប្តេជ្ញា គាំទ្រដល់ការអភិវឌ្ឍន៍ ក្នុងរយៈពេលវែង និងលើកកម្ពស់ជីវភាពរបស់ប្រជាជនកម្ពុជា។ យើងមានការជឿជាក់ នៅក្នុងកិច្ចសហការ ជាមួយដៃគូក្នុងស្រុក និង ភាគីពាក់ព័ន្ធ ដើម្បីជំរុញឱ្យមានការរីកចម្រើន នៅក្នុងប្រទេស និង នៅទូទាំងប្រទេស ដែលជាសមាជិកអាស៊ាន។ មន្ទីរពេទ្យគន្ធបុប្ផា ត្រូវបានគេទទួលស្គាល់យ៉ាងទូលំទូលាយ នូវកិច្ចខិតខំប្រឹងប្រែងរបស់ខ្លួន នៅក្នុងការជួយដល់កុមារដែលត្រូវការជំនួយ។ យើងពិតជារីករាយណាស់ ដែលអាចចូលរួមចំណែក នៅក្នុងបេសកកម្មដ៏ឧត្ដុង្គឧត្ដម របស់មន្ទីរពេទ្យ តាមរយៈការបើកឱ្យដំណើរការកម្មវិធីបរិច្ចាគរបស់យើង "។

 image

លោកវេជ្ជបណ្ឌិត Denis Laurent ដែលជាអនុប្រធានមន្ទីរពេទ្យគន្ធបុប្ផា បានមានប្រសាសន៍ថា "ជារៀងរាល់ឆ្នាំមានកុមាររាប់លាននាក់បានឆ្លងកាត់ទ្វារមន្ទីរពេទ្យ ដើម្បីស្វែងរកការព្យាបាលដែលមានគុណភាពខ្ពស់។ ដោយសារតែមានការគាំទ្រពីដៃគូដូចជា Grab យើងអាចបន្តផ្តល់ការព្យាបាលដោយឥតគិតថ្លៃដល់កុមារដែលឪពុកម្តាយរបស់ពួកគេមិនអាចមានលទ្ធភាពក្នុងការចំណាយ។ យើងពិតជារំភើបចំពោះការឧបត្ថម្ភគាំទ្ររបស់ Grab និងបេសកកម្មរបស់ក្រុមហ៊ុននេះ ក្នុងការកែលំអជីវភាពរស់នៅរបស់ប្រជាជនរបស់យើង "។

 image

ក្រោមអធិបតីភាពរបស់ ឯកឧត្តម ស៊ុន ចាន់ថុល ទេសរដ្ឋមន្ត្រី និងជារដ្ឋមន្ត្រីក្រសួងសាធារណការ និងដឹកជញ្ជូន នៅក្នុងការចូលរួមបើកកម្មវិធីប្រកាសរបស់ Grab ក្នុងការឧបត្ថម្ភគាំទ្រដល់មន្ទីរពេទ្យ លោកបានមានប្រសាសន៍ថា "ក្រសួងសាធារណការ និងដឹកជញ្ជូន ពិតជាពេញចិត្តចំពោះ Grab ដែលជាក្រុមហ៊ុនដំបូងគេនៅក្នុងប្រទេសកម្ពុជា ដែលចូលរួមគាំទ្រដល់មន្ទីរពេទ្យគន្ធបុប្ផា ដើម្បីបញ្ជាក់ពីកិច្ចខិតខំប្រឹងប្រែងរបស់ខ្លួន ក្នុងនាមជាក្រុមហ៊ុនមួយដែលមានទំនួលខុសត្រូវ។ ការទទួលខុសត្រូវចំពោះសង្គមដ៏ខ្ពង់ខ្ពស់នេះ នឹងផ្តល់ប្រយោជន៍យ៉ាងច្រើនដល់កុមារកម្ពុជា ដែលកំពុងតែត្រូវការការថែទាំសុខភាព។ ក្រសួងកំពុងទន្ទឹងរង់ចាំធ្វើការយ៉ាងជិតស្និទ្ធជាមួយ Grab តទៅថ្ងៃមុខទៀតសម្រាប់ការអភិវឌ្ឍន៍នាពេលអនាគត”។

 image

មន្ទីរពេទ្យគន្ធបុប្ផាបានដើរតួនាទីយ៉ាងសំខាន់នៅក្នុងការជួយដល់គ្រួសារដែលពុំមានលទ្ធភាពទទួលបានការព្យាបាលវេជ្ជសាស្រ្តសម្រាប់កូនចៅរបស់ពួកគេ អស់ជាច្រើនទសវត្សមកហើយ ហើយក៏បានក្លាយជាជម្រើសដ៏ល្អបំផុតសម្រាប់កុមារក្រីក្រនៅកម្ពុជាដែលកំពុងស្វែងរកការព្យាបាលដែលមានគុណភាពល្អ។ មន្ទីរពេទ្យនេះបានផ្ដល់ការថែទាំដល់កុមារដែលសម្រាកព្យាបាលជម្ងឺជិតមួយលាននាក់ និងបានព្យាបាលកុមារដែលមានជម្ងឺជាង 100.000 នាក់នៅក្នុងឆ្នាំ 2017 ។

 image

ដើម្បីចូលរួមក្នុងការបរិច្ចាកនេះ អ្នកប្រើប្រាស់កម្មវិធី Grab អាចបញ្ចូលនូវកូដ KANTHA នៅពេលធ្វើការកក់រថយន្ត Grab សំរាប់ធ្វើដំណើរចាប់ពីថ្ងៃទី ១២ ដល់ ថ្ងៃទី ១៦ ខែ មេសា ឆ្នាំ ២០១៨ ដែលជាថ្ងៃចុងក្រោយនៃពិធីបុណ្យចូលឆ្នាំខ្មែរ។ Grab នឹងបរិច្ចាកទឹកប្រាក់ $1 ទៅកាន់មូលនីធិគន្ធបុប្ផាសំរាប់រាល់ការធ្វើដំណើរជាមួយ Grab។

 សម្រាប់ពត៌មានបន្ថែមអំពី Grab សូមចូលទៅកាន់វេបសាយ https://www.grab.com/kh/

Like and Share this page:

Related Posts


Comments

ជួយគាំទ្រយើងនៅក្នុង Facebook

ព័ត៌មានពេញ​និយម​ប្រចាំ​សប្ដាហ៍

ទិញលក់ ទំនិញ ពេញ​និយម​ប្រចាំ​សប្ដាហ៍

ចំនួនអ្នកចូលទស្សនា

Today : 3889
Yesterday : 7368
This Month : 130699
Last Month : 227558
Total Visitor : 15153824