ថ្មីៗនេះ ក្រុមហ៊ុនបច្ចេកវិទ្យា Huawei ទើបតែប្រកាសបង្ហាញនូវស្មាតហ្វូន Y9 (2018) ដែលជាស្មាតហ្វូនថ្នាក់កណ្តាលនៅក្នុងប្រទេសថៃ។ ស្មាតហ្វូននេះគឺមានលក្ខណៈស្រដៀងគ្នាទៅនឹងស្មាតហ្វូន Mate 10 Lite ហើយវាក៏មានការរចនារូបរាងកាន់តែស្រស់ស្អាតថែមទៀត។
ស្មាតហ្វូននេះមានអេក្រង់ទំហំ 5.93 អ៊ីញកម្រិត IPS LCD កម្រិត 18:9 Aspect ។ ស្មាតហ្វូននេះប្រើប្រាស់នូវបន្ទះឈីប Kirin 659, 3GB RAM, 32GB ROM និង microSD ថែមទៀត។ ស្មាតហ្វូននេះប្រើប្រាស់កាមេរ៉ាខាងក្រោយទំហំ 16MP + 2MP និងកាមេរ៉ាខាងមុខ 13MP + 2MP ។
ស្មាតហ្វូននេះ Y9 (2018) ដំណើរការប្រព័ន្ធប្រតិបត្តិការ Android Oreo ហើយវាមានថាមពល 4000mAh ។ សម្រាប់តម្លៃ និងកាលបរិច្ឆេទរបស់ស្មាតហ្វូននេះនៅមិនទាន់ដឹងនៅឡើយទេ៕