Phone City Magazine

 Breaking News
សេចក្តីជូនដំណឹង : សម្រាប់ការអញ្ជើញចូលរួមកម្មវិធីសម្ពោធនាៗ សូមទំនាក់ទំនងទៅកាន់លេខ 010 97 35 45។ ពេលនេះប្រិយមិត្តទាំងអស់របស់ ទស្សនាវដ្តី ទីក្រុងពត៌មានវិទ្យា និងទីក្រុងទូរស័ព្ទ អាចអានទស្សនាវដ្តីទីក្រុងពត៌មានវិទ្យា និងទីក្រុងទូរស័ព្ទនៅលើស្មាតហ្វូនរបស់អ្នកបានដោយសេរី។ សូមចូលទៅកាន់ App Store និងវាយពាក្យថា IT City Magazine ឬចូលទៅកាន់គេហទំព័រ www.itcity.com.kh/dl/download ដើម្បីទាញយកទស្សនាវដ្តី FREE! ផ្សាយពាណិជ្ជកម្មជាមួយទស្សនារដ្តីទីក្រុងទូរស័ព្ទ និងទីក្រុងពត៌មានវិទ្យាដោយឥតគិតថ្លៃ ។ ទំនាក់ទំនងផ្សាយពាណិជ្ជកម្មៈ 010 97 35 45 / 010 67 67 67

ក្រុមហ៊ុនតាមដានសុខភាពអាចកំណត់អំពីទីតាំងនៃមូលដ្ឋានយោធាសម្ងាត់

March 17
11:49 pm 2018
Like and Share this page:

ឥឡូវនេះ អ្នកប្រើប្រាស់ជាច្រើនក៏មានយ៉ាងហោចណាស់ឧបករណ៍មួយដែលភ្ជាប់ទៅកាន់អ៊ីនធើណិត ហើយវាមានសំណួរថាតើឧបករណ៍ឆ្លាតវៃរបស់អ្នកដឹងអ្វីខ្លះអំពីអ្នកនោះ? នៅចុងសប្តាហ៍នេះ កម្មវិធីតាមដានសុខភាពដ៏ពេញនិយម Strava បញ្ចេញនូវ "2017 heat map" ដែលបង្ហាញអំពីសកម្មភាពជាច្រើនរបស់អ្នកប្រើប្រាស់នៅជុំវិញពិភពលោក ប៉ុន្តែកម្មវិធីនេះថែមទាំងទម្លាយនូវទីតាំងរបស់មូលដ្ឋានទ័ពយោធារបស់សហរដ្ឋអាមេរិកថែមទៀត។

image

Strava ដែលធ្វើទីផ្សារខ្លួនឯងជាកម្មវិធីបណ្តាញសង្គមសម្រាប់អត្តពលិកនោះបង្ហាញនូវទីតាំងរបស់អ្នកប្រើប្រាស់ជាច្រើនដោយធ្វើការប្រមូលនូវព័ត៌មានតាមរយៈស្មាតហ្វូន និងនាឡិកាស្មាតវ៉ចជាច្រើនទៀតដូចជា Fitbit ។ ចាប់តាំងពីកម្មវិធី Strava ត្រូវរចនាឡើងសម្រាប់ធ្វើការតាមដានផ្លូវ និងទីតាំងជាច្រើន អ្នកវិភាគ Nathan Ruser របស់ IUCA ទម្លាយថា កមម្មវិធីនេះអាចកំណត់ទីតាំងដោយចៃដន្យរបស់មូលដ្ឋានទ័ពយោធានៅជុំវិញពិភពលោកជាពិសេសមូលដ្ឋានទ័ពនៅសហរដ្ឋអាមេរិក។

នៅក្នុងសកម្មភាពសរុបជាង 1 ពាន់លានដែលធ្វើការរក្សាទុកនៅក្នុងផែនទីរបស់កម្មវិធី Strava វាគឺពិតជាសំខាន់ខ្លាំងណាស់សម្រាប់ពិភពលោកទាំងមូល។

បើទោះបីជាសកម្មភាពផែនទីរបស់កម្មវិធី Strava បង្ហាញជាសាធារណៈនៅក្នុងខែវិច្ឆិកាឆ្នាំ ២០១៧ មកម្ល៉េះ ថ្មីៗនេះលោក Ruser កត់សម្គាល់ថា ផែនទីនេះបង្ហាញនូវផ្លូវទៅកាន់មូលដ្ឋានសម្ងាត់របស់ទាហាន និងទីភ្នាក់ងារយោធារបស់សហរដ្ឋអាមេរិកនៅក្នុងប្រទេសអាហ្វហ្កានីស្ថាន និងស៊ីរីដែលគេសង្ស័យថាមូលដ្ឋានស៊ីអាយអេ (CIA) តំបន់ 51 ។

 image

ក្រៅពីមូលដ្ឋានយោធាអាមេរិច ផែនទីនេះក៏បង្ហាញពីមូលដ្ឋានទ័ព RAF Mount Pleasant របស់ចក្រភពអង់គ្លេសនៅកោះ Falkland, Lake Macphee និង Gull Island Pond ផងដែរ។ មូលដ្ឋានរបស់ប្រទេសរុស្ស៊ីក៏ត្រូវបង្ហាញដោយទិន្នន័យរបស់កម្មវិធី Strava ។

តើមាន​អ្វី​បន្ថែមទៀត​? អ្នកជំនាញសន្តិសុខនៅលើបណ្តាញសង្គម Twitter ក៏រកឃើញមូលដ្ឋានយោធាអាមេរិកដែលមានសក្តានុពលនៅប្រទេសសូម៉ាលី អាហ្វហ្គានីស្ថាន និងស៊ីរី។ មូលដ្ឋានយោធាសម្ងាត់របស់ប្រទេសរុស្ស៊ីនៅអ៊ុយក្រែន មូលដ្ឋានមីស៊ីលសម្ងាត់នៅតៃវ៉ាន់ក៏ដូចជាមូលដ្ឋានរបស់ NSA នៅហាវ៉ៃផងដែរ។

លោក Ruser និយាយថាផែនទីនេះអនុញ្ញាតឱ្យគាត់ស្វែងរកផ្លូវហាត់ប្រាណទៀងទាត់សម្រាប់បុគ្គលិកយោធាដែលជាព័ត៌មានអាក្រក់សម្រាប់សន្តិសុខដែលវាបង្កើតព័ត៌មានដែលអាចទុកចិត្តបានពីពិភពលោកទាំងមូល៕

 

 

Like and Share this page:

Related Posts


Comments

ជួយគាំទ្រយើងនៅក្នុង Facebook

ព័ត៌មានពេញ​និយម​ប្រចាំ​សប្ដាហ៍

ទិញលក់ ទំនិញ ពេញ​និយម​ប្រចាំ​សប្ដាហ៍

ចំនួនអ្នកចូលទស្សនា

Today : 3933
Yesterday : 7368
This Month : 130743
Last Month : 227558
Total Visitor : 15153868