ព័ត៌មាន

Sony Xperia Tablet Z ចេញលក់នៅថ្ងៃទី 22 ខែ មករា នេះហើយ

        យោងតាម​ប្រភពព័ត៌មាន​ដែល​បាន​បង្ហោះ​បង្ហាញ​ដោយ​គេហទំព័រ NTT DoCoMO បាន​ឲ្យ​ដឹងថា ក្រុមហ៊ុន Sony បាន​ផលិត​នូវ​ប្រភេទ Tablet ថ្មី​មួយ​ម៉ូ​ដែល Sony Xperia Tablet Z ដែល​នឹងត្រូវ​បញ្ចេញ​លក់​នៅ​ថ្ងៃទី 22 ខែ មករា នេះហើយ។

       ជាមួយ​ប្រភេទ Sony Xperia Tablet Z ជា​ប្រភេទ Tablet មួយ​ដែល​ត្រូវបាន​រចនា​ឡើង​មាន​បំពាក់​មកជា​មួយ​មុខងារពិសេសៗដូចជា អេក្រង់​ប្រភេទ Full HD Display ទំហំ 10.1 inch មាន Resolution ដល់​ទៅ1920 x 1080 ភិ​ច​សែ​ល និង​មាន​អង្គ​ប្រតិបត្តិ​ការណ៍​ជា​ប្រភេទ Quad Core Snapdragon S4 Processor ។

       ចំពោះលក្ខណៈពិសេសៗបន្ថែម​លើស​នេះ​ទៅទៀត​មានដូចជា RAM ទំហំ 2GB , Built in Storage ទំហំ 32GB បូករួម​ទាំង​កម្រិត​កាមេរ៉ា​ផ្នែក​ខាងមុខ​ទំហំ 2 មេ​ហ្គា​ភិ​ច​សែ​ល​និង​កម្រិត​កាមេរ៉ា​ផ្នែក​ខាងក្រោយ​ទំហំ 8 មេ​ហ្គា​ភិ​ច​សែ​ល​ព្រមទាំង​ដំណើរការ​ជាមួយ​ប្រព័ន្ធ​ប្រតិបត្តិ​ការណ៍ Android 4.1.2 Jelly Bean ទៀតផង។

       ចំណែកឯ​ការតភ្ជាប់​វិញ វា​អាច​ភ្ជាប់ Wi-Fi, NFC, LTE, Bluetooth 4.0 និង​មាន​ថាមពល​ថ្ម​ផ្ទុក​បាន​ដល់​ទៅ 6,000 mAh៕

       ប្រភពៈ geeky gadget