ព័ត៌មាន

អ្នក​ស្រលាញ់​ការថតរូប​ជាង 600 នាក់​បាន​ចូល​រួមប្រកួត​​​ថតរូប Canon Photo Marathon 2013លើក​ទី​បី​ប្រចាំ​កម្ពុជា

image

       ការប្រកួត​ថតរូប Canon Photo Marathon ប្រចាំ​កម្ពុជា​បាន​ត្រលប់​មកវិញ​យ៉ាង​ធំ​អស្ចារ្យ​សម្រាប់​ឆ្នាំ​នេ​ដែល​រួមមាន​អ្នកចូលរួម​ប្រកួត​ថតរូប​គ្រប់​វ័យ​ប្រមាណ​ជាង 600 នាក់​ចូលរួម​ចាប់តាំងពី​វេលា​ម៉ោង 7 ព្រឹក​នៅ​សា​លាស​ន្និ​សិទ្ធ ចតុម្មុខ។ កម្មវិធី​ប្រកួត​ថតរូប Canon Photo Marathon នេះ​ត្រូវបានធ្វើ​ទ្បើង​នៅ​បណ្ដា​ប្រទេស​ទាំង 11 ក្នុង​តំបន់​រួមមាន៖ ចិន ឥណ្ឌា ម៉ា​ទ្បេ​ស៊ី និង​ថៃ ដែល​បានរៀបចំ​ការប្រកួត​ថតរូប​នេះ​តាម​ពេល​វា​កម្មវិធី​ប្រកួត​ថតរូប​រៀបចំ​ដោយ​ក្រុមហ៊ុន កម្មវិធី​ប្រកួត​ថតរូប​រៀបចំ​ដោយ​ក្រុមហ៊ុន តំណាង​ចែកចាយ​ផលិតផល​គឺមាន​គោលបំណង​ជួយ​ជុំរុញ​លើក​កំពស់​វប្បធម៌​នៃ​ការថតរូប​តែម្ដង។ ក្រុមហ៊ុន i-Qlick និង Canon ជា​ម្ចាស់​ឧ​ប​ត្ត​ម្ភ​ធំ​សម្រាប់​កម្មវិធី​នេះ រួមជាមួយ​ដៃ​គួ​សហការ​ដូចជា៖ ក្រុម​ហ៊ុម KFC,  True Brands, Southeast Asia Globe, Cam Lau, Legend Cinemaនិង​ក្រុមហ៊ុន​ទឹកបរិសុទ្ធ Eurotech ។ ប្រធានបទ​ទាំងបី​សំរាប់​ប្រកួត​ឆ្នាំនេះ​រួមមាន សេចក្តីស្រលាញ់ (Love)  អ​រូបិយវត្ថុ (Abstract)និង ជំនឿ (Bellef) ។ ការប្រកួត​នេះ​បើក​ឲ្យ​ចូលរួម​ពី​គ្រប់​ជាតិ​សាសន៍ អាយុ ឬក៏ ម៉ាក​ម៉ាស៊ីន​ថត ប្រើប្រាស់​នោះទេ។ រូបថតស្អាតៗស្របតាម​ប្រធានបទ​នឹងត្រូវ​វិ​និ​ច្ជ័​យ​ដាក់ពិន្ទុ​ដោយ គណ​កម្ម​ធិ​ការ​ចំនួន​បី​រូប​មាន លោក Dene Mullen ជា​និពន្ធ​នាយក​ប្រចាំ​ទស្សនា​វ​ដ្តី អាស៊ីអាគ្នេយ៍​គ្លប លោក Jose Goh និង​លោក ផន ភា​រិ​ទ្ធិ ដោយយោង​លើ​ចំនុចសំខាន់ៗបី​គឺ៖ភាព​ប៉ិនប្រសប់​បកស្រាយ​អត្ថន័យ​ប្រធានបទ​ន័យ​ប្រធានបទ ការប្រើប្រាស់​កម្រិត​ពណ៌​និង​ពន្លឺ​ព្រមទាំង​ការកំណត់​លើ​ផ្ទាំង​រួប​ភាព។ជ័យលាភី​ទាំង 9 រូប រួមមាន​បី​រូប​ក្នុង​មួយ​ប្រធានបទ​និង​ត្រូវ​ប្រកាស​នៅវេលា​ម៉ោង 4 ល្ងាច​ក្នុង​ថ្ងៃ​តែមួយ​ជាមួយ​ការផ្ដល់​រង្វាន់ពិសេសៗ នៅ​សាលសន្និសិទ ចតុម្មុខ។ ហើយ​ជ័យលាភី​ពីររូប​ក្នុងចំណោម 9 រូប​នឹងមាន​ឪ​កាស​ចូលរួម​ដំណើរ​កំសាន្ត​ថតរូប​បែប​អន្តរជាតិ​ជាមួយ​ជ័យលាភី​ពី​បណ្ដា​ប្រទេស​ក្នុង​តំបន់​ដទៃទៀត ដែល​នឹងត្រូវ​រៀបចំ​ដោយ​ក្រុមហ៊ុន Canon សិង្ហបូរី។ ក្រៅពី​រង្វាន់ធំៗទាំងនេះ​អ្នកចូលរួម​ប្រកួត​ទាំងអស់​ក៏​នឹងមាន​ឪ​កាស​ឈ្នះ​ពី​ការចាប់​រង្វាន់ ជាច្រើន​ទៀត​ផ្ដល់​ដោយ​ក្រុម​ហ៊ុម KFC, True Brands, Southeast Asia Globe និង​រោងភាពយន្ត Legend Cinema ៕

image