ភ្នំពេញ ថ្ងៃទី22 ខែមករា ឆ្នាំ2014 ក្រុមហ៊ុន Smart Axiata បានប្រកាសដាក់ដំណើរការប្រើប្រាស់នូវបច្ចេកវិទ្យាចុងក្រោយដែលមានឈ្មោះថា 4G LTE (ហ្វរជី អិល ធី អ៊ី) នៅថ្ងៃទី22 ខែមករា ឆ្នាំ2014 សម្រាប់ការប្រើប្រាស់អ៊ីនធើណិតតាមរយៈប្រព័ន្ធ Smart (ស្មាត) ហើយជាក្រុមហ៊ុនទូរស័ព្ទចល័ត ដំបូងគេបង្អស់នៅកម្ពុជាដែលនាំមកនូវការប្រើប្រាស់អ៊ីនធើណិតតាមទូរស័ព្ទដែលមានល្បឿនលឿនដោយប្រើប្រាស់នូវបច្ចេកវិទ្យាចុងក្រោយបង្អស់មួយនេះ។ ពាក្យពេញរបស់ LTE គឺ Long Term Evolution ហើយវាគឺជាបច្ចេកវិទ្យាគំរូស្តង់ដារនៃការទំនាក់ទំនងឥតខ្សែជំនាន់ទី 4 ដែលរចនាឡើងជាពិសេស សម្រាប់ការប្រើប្រាស់អ៊ីនធើណិត តាមទូរស័ព្ទដែលអាចជួយបញ្ជូនទិន្នន័យ ក្នុងល្បឿនរហូតដល់ 150mb ក្នុង ១វិនាទី ហើយអាចលឿនជាងល្បឿនបច្ចេកវិទ្យា 3G រហូតដល់ 10 ដង។ ជាមួយ 4G LTE របស់ Smart អអតិថិជនទាំងអស់អាចរីករាយជាមួយល្បឿនអ៊ីនធើណិតរហូតដល់ 55mb ក្នុង១វិនាទីនៅដំណាក់កាលដំបូងនាបច្ចុប្បន្ននេះ។
ការដាក់ដំណើការប្រើប្រាស់នៅថ្ងៃទី22 ខែមករានេះ ប្រព័ន្ធបច្ចេកវិទ្យា 4G LTE Zone របស់ Smart មាននៅតំបន់ 4G LTE ចំនួន 6 ដូចជានៅក្នុងណហ្គាវើល, ផ្សារទំនើបសុវណ្ណា, ផ្សារទំនើបរតនាផ្លាហ្សា, អាផាតមែន De Castle ទួលគោក, អាកាសយានដ្ឋានអន្តរជាតិភ្នំពេញ និងការិយាល័យបំរើអតិថិជន Smart បឹងត្របែក។ នៅខែមិនា ឆ្នាំ2014 នេះតំបន់ 4G LTE Zone នៅមានកន្លែងជាច្រើនទៀតដែលនឹងត្រូវបានដាក់ដំណើការរួមមានផ្សារទំនើបសូរិយា, អគារភ្នំពេញថាវវឺរ៍, អគារវឌ្ឍនៈថាវវឺរ៍, អាកាសយានដ្ឋានអន្តរជាតិសៀមរាប។ នៅត្រីមាសទីពីរឆ្នាំ2014 នេះតំបន់ 4G LTE នឹងត្រូវបានដាក់ដំណើការនៅទូទាំងរាជធានីភ្នំពេញ។
លោកថូម៉ាស ហ៊ុន ដែលជាអគ្គនាយកក្រុមហ៊ុន Smart Axiata បានមានប្រសាសន៍ថា “ច្រើនជាង 90% នៃការប្រើប្រាស់អ៊ីនធើណិតនៅក្នុងប្រទេសកម្ពុជាគឺតាមរយៈទូរស័ព្ទ Smart Phone (ស្មាតហ្វូន) និង Tablets ហើយអតិថិជនទាមទារអោយមានការផ្ដល់ជូនអ៊ីនធើណិតដែលមានល្បឿនលឿននិងរលូន។ 4G LTE អាចបំពេញតំរូវការនេះបាន តាមរយៈការផ្ដល់ជូនល្បឿនអ៊ីនធើណិតដែលលឿន និងល្អឥតខ្ចោះនេះបាន សម្រាប់ការទាញយក និងការបង្ហោះនូវវីដេអូដែលមានគុណភាពខ្ពស់ (High Definition) សម្រាប់អ្នកដែលចូលចិត្តទស្សនា វីដេអូ និងលេងហ្គេមតាមអ៊ីនធើណិត។
លោកបានបន្តថា “Smart Axiata មានមោទនភាពណាស់ដែល Smart Axiata ជាក្រុមហ៊ុនដំបូងគេបង្អស់ក្នុងការនាំមកនូវបច្ចេកវិទ្យា 4G LTE នេះមកប្រទេសកម្ពុជា។ ប្រទេសកម្ពុជាប្រសិនបើគិតអំពីហេដ្ឋារចនាសម្ព័ន្ធទូរគមនាគមន៍ចល័ត និងការប្រើប្រាស់សេវាកម្មទូរស័ព្ទ ហើយបើប្រៀបធៀបជាមួយសេដ្ឋកិច្ចរបស់បញ្ដាប្រទេសអភិវឌ្ឍន៍ជាច្រើននានា តាមរយៈការដាក់ដំណើការបច្ចេកវិទ្យា 4G LTE នេះកម្ពុជាបានចូលរួមប្រកួតប្រជែងក្នុងសហគមន៍ទូរគមនាគមន៍លំដាប់ថ្នាក់លេខ1រួចទៅហើយ! ក្រុមហ៊ុន Smart Axiata បានចាប់ផ្ដើម 4G LTE ជាមួយនឹង 4G LTE Zone ដែលគ្របដណ្ដប់តំបន់ដែលមានតំរូវការអ៊ីនធើណិតខ្ពស់សម្រាប់យុវវ័យ និងអ្នកធ្វើការវ័យក្មេងដែលពួកគាត់ចូលចិត្តមកជួបជុំគ្នា នៅកន្លែងទាំងនោះក្រៅពីចំណាយពេលវេលានៅផ្ទះធ្វើការនិងសិក្សា។ ការគ្របដណ្ដប់របស់ 4G LTE នេះនឹងត្រូវបានពង្រីកដើម្បីគ្របដណ្ដប់ទូទាំងរាជធានីភ្នំពេញជាបន្តបន្ទាប់ នៅសប្ដាហ៍និងខែក្រោយៗនេះ”
ដើម្បីរីករាយជាមួយអ៊ីនធើណិត ដែលមានល្បឿនលឿននេះ អតិថិជន Smart(ស្មាត) ទាំងអស់ត្រូវមានទូរស័ព្ទដែលអាចប្រើបច្ចេកវិទ្យា 4G LTE បានហើយប្ដូរស៊ីមកាតទៅជាស៊ីមកាត 4G LTE និងភ្ជាប់គម្រោង 4G LTE ដោយចំណាយត្រឹមតែ 5ដុល្លារក្នុងមួយខែតែប៉ុណ្ណោះ។ គម្រោង 4G LTE នេះផ្ដល់ជូនទិន្នន័យឥតគិតលុយដែលបានផ្ដល់ជូនក្នុងគម្រោង អតិថិជនអាចបន្តប្រើប្រាស់អ៊ីនធើណិតជាមួយបច្ចេកវិទ្យា 4G LTE នេះក្នុងអត្រាតម្លៃធម្មតា 500KB/1សេន។ អតិថិជនក៍អាចប្រើអ៊ីនធើណិតដោយគិតលុយពីគម្រោង Smart ល្អ កម្មវិធី Smart ដូរលុយ កម្មវិធីតេប៉ះសក់ និងទិន្នន័យបន្ថែមផ្សេងៗទៀតដូចធម្មតាដែរ។ អតិថិជនបង់ប្រាក់ប្រចាំខែក៍អាចរីករាយជាមួយ 4G LTE បានដោយមិនចាំបាច់ចុះកិច្ចសន្យាថ្មី។ គម្រោងតម្លៃ Combo 48, 58 និង 68 អាចប្រើប្រាស់បានជាមួយ 4G LTE ដោយគ្រាន់តែប្ដូរស៊ីមកាតទៅជាស៊ីមកាត 4G LTE នៅគ្រប់ការិយាល័យបំរើអតិថិជន (Smart Shop) ទាំងអស់នៅរាជធានីភ្នំពេញ។ សម្រាប់ពត៌មានអំពី 4G LTE Zones និងទូរស័ព្ទដែលអាចប្រើបច្ចេកវិទ្យា 4G LTE បានសូមចូលទៅកាន់គេហទំព័រ www.smart.com.kh ឬទូរស័ព្ទទៅ 888 ឬ 010 200 888 ។
Smart ជីវិតរស់រវើក
