ក្នុងសប្តាហ៍នេះដែរក្រុមហ៊ុន Runtastic បានធ្វើការដាក់បង្ហាញនូវឧបករណ៍តាមដានសុខភាព ( fitness tracker) ថ្មីមួយដែលពួកគេបានបង្កើតដែលមានឈ្មោះថាOrbit ផងដែរវាក៏អាចត្រូវបានប្រើជានាឡិការដៃបានដែរ។
Runtastic មាននូវ Runtastic application ជាច្រើនរួចរាល់ទៅហើយដែលអាចប្រើបានជាមួយនិងទូរស័ព្ទស្មាតហ្វូនដែលដំណើរការដោយប្រព័ន្ធដំណើរការ Android, iOS និង Windows Phone។ ប៉ុន្តែ Orbit fitness tracker ម៉ូដែលថ្មីនេះមានសមត្ថភាពអាចរាប់នូវចំនួនជណ្តើរដែលអ្នកនិងដើរឡើង, ចំនួនកាឡូរី,រយះពេលនៃការដេក និងមុខងារមានប្រយោជន៍ជាច្រើនទៀ។ ហើយវាផងដែរអាចធន់និងជម្រៅទឹកបានរហូតដល់ជម្រៅ 300 ហ្វ៊ីតដែលអាចអោយអ្នកហែលទឹកដោយគ្មានការបារម្មណ៍។ មិនត្រឹមតែប៉ុណ្ណោះ ឧបករណ៍មួយនេះអាចប្រើបាននូវប្រព័ន្ធ Bluetooth ដែលអាចធ្វើការភ្ជាប់តាមរយះប្រព័ន្ធ wirelessទៅកាន់ទូរស័ព្ទស្មាតហ្វូនរបស់អ្នកក្នុងការវិភាគទៅកាន់ល្បឿននៃការរត់ ហែលទឹក និង ទិន្ន័យផ្សេងៗទៀត។ Runtastic Orbit fitness tracker នេះគឺត្រូវបានដាក់លក់ក្នុងតម្លៃ $119 ប៉ុណ្ណោះនិងមានប្រាំបីពណ៌សម្រាប់ជ្រើសរើស៕
ប្រភព៖ Engadget