ម៉ាស៊ីនបោកសំលៀកបំពាក់ សាមសុងActiv Dualwash លក់បានចំនួនមួយលានគ្រឿងទូទាំងពិភពលោកចាប់តាំងពីពេលចេញលក់នៅលើទីផ្សារកាលពីខែកុម្ភ: ឆ្នាំ2015 មក។ខណៈពេល Active Dualwash គឺជាម៉ាស៊ីនដែលមានភាពជោគជ័យជាងគេរបស់សាមសុងម៉ាស៊ីនមួយនេះបានបង្កើតកំណត់ត្រាថ្មីមួយតាមរយៈបង្កើនចំនួនលក់ទៅដល់3.500គ្រឿងក្នុងមួយថ្ងៃឬយ៉ាងហោចណាស់2គ្រឿងក្នុង1នាទី។
ឧបករណ៍ដ៏មានភាពច្នៃប្រឌិតមួយនេះ ត្រូវបានសម្ពោធឲ្យប្រើបា្រស់នៅប្រទេស កូរ៉េខាងត្បូង មុនពេលដាក់លក់នៅអាមេរិចខាងជើង អាមេរិចឡាទីន តំបន់អាស៊ី តំបន់មជ្ឈឹមបូព៌ា និង តំបន់អាហ្រ្វិក។ កំឡុងពេលត្រីមាសទី1 នៃឆ្នាំ2015 ម៉ាស៊ីនបោកគក់ មួយនេះមានចំណែក ទីផ្សារ17% នៅក្នុងចំណោមម៉ាសុីនបោកសម្លៀកបំពាក់របស់ក្រុមហ៊ុនសាមសុង ហើយបន្តកើន ដល់36% និង41% នៅត្រីមាសទី2 និងទី3 ។
ទស្សនាវីដេអូ៖
ម៉ាស៊ីនបោកសម្លៀកបំពាក់នេះភ្ជាប់មកជាមួយចានបោកដែលអនុញ្ញាតឲ្យអ្នកធ្វើការដុស ជម្រះដោយផ្ទាល់លើផ្នែកប្រឡាក់ខ្លាំង មុនពេលដាក់ទៅក្នុងម៉ាស៊ីនបោកសម្លៀកបំពាក់តែម្តង។ ជាមួយនឹងចានបោកនេះ លោកអ្នកអាចសម្អាតស្នាមប្រឡាក់ដោយដៃ ដូចជាខោអាវលេងកីឡា ក្រណាត់សូត្រ និង ក្រណាត់ស្តើងៗ នៅក្នុងកន្លែងតែមួយ ទើបយកទៅដាក់ក្នុងម៉ាសុីនបោក សម្លៀកបំពាក់តាមក្រោយ ដែលអាចជួយកាត់បន្ថយការខ្ជះខ្ជាយទឹក និងកំពប់ទឹក។
ម៉ាស៊ីន Activ Dualwash ធ្វើឲ្យការបោកសម្អាតសម្លៀកបំពាក់លឿនជាងមុនជាមួយ នឹងបច្ចេកទេសថ្មីដែលលោកអ្នកអាចចំណាយពេលត្រឹមតែ 36 នាទី ជាមួយនឹងការបោកសម្លៀក បំពាក់ធម្មតា។
នៅក្នុងប្រទេសកម្ពុជាម៉ាស៊ីនបោកសម្លៀកបំពាក់ Activ Dualwash មានលក់នៅលើ ទីផ្សារតាំងពីខែមិនា ឆ្នាំ 2015 ហើយទទួលការពេញនិយមពីអតិថិជនយ៉ាងខ្លាំង។
អំពីក្រុមហ៊ុន Samsung Electronics co., Ltd
គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្តល់លទ្ធភាព ថ្មីៗជូនមនុស្សគ្រប់រូប គ្រប់ទី កន្លែង។ តាមរយៈ ការបង្កើតថ្មី និងរបកគំហើញឥតឈប់ឈរ យើងកំពុងតែផ្លាស់ប្តូរឲ្យកាន់តែ ប្រសើរឡើងនូវពិភព ទូរទស្សន៍ ស្មាតហ្វូន កុំព្យូទ័រផ្ទាល់ខ្លួន កុំព្យូទ័រលើតុ ម៉ាស៊ីនថតរូប ឧបករណ៍ ផ្ទះបាយ ម៉ាស៊ីនថតចម្លង ប្រព័ន្ធLTE ឧបករណ៍វេជ្ជសាស្ត្រ ឧបករណ៍ផ្សេងៗ ដោយប្រើប្រព័ន្ធអគ្គិសនី និងប្រព័ន្ធ LED។ យើងមានបុគ្គលិកចំនួន 307.000 នាក់ នៅទូទាំង 84 ប្រទេសដោយមានបរិមាណលក់ប្រចាំឆ្នាំ ចំនួន 196 ពាន់លានដុល្លារ អាមេរិក។
ព័ត៌មានបន្ថែម សូមមើលគេហទំព័រwww.samsung.comនិង global.samsungtomorrow.com