Phone City Magazine

 Breaking News
សេចក្តីជូនដំណឹង : សម្រាប់ការអញ្ជើញចូលរួមកម្មវិធីសម្ពោធនាៗ សូមទំនាក់ទំនងទៅកាន់លេខ 010 97 35 45។ ទំនាក់ទំនងផ្សាយពាណិជ្ជកម្មៈ 010 97 35 45

ក្រុមហ៊ុន Huawei បា្ររព្ធពិធីថ្លែងអំណរគុណអ្នក​សារព័ត៌មាន​ មុនបញ្ចេញ​ស្មាត​ហ្វូនស៊េរីថ្មី 03 ម៉ូដែល ដើមឆ្នាំ ២០១៦

December 26
12:38 pm 2015
Like and Share this page:

ក្រុមហ៊ុន Huawei ដែលជាក្រុមហ៊ុនស្មាតហ្វូនលំដាប់លេខបីពិភពលោក​ប្រចាំប្រទេសកម្ពុជា បានប្រារព្ធពិធីថ្លែងអំណរគុណអ្នកសារព័ត៌មាន “Media Thanks Party and Happy New Year 2016នាថ្ងៃទី24 ខែធ្នូ ឆ្នាំ2015 នៅភោជនីយដ្ឋាន Promenade Lounge ដោយមានការចូលរួ​មពី​ប​ណ្ដា​អ្នកសារព័ត៌មានជាតិប្រមាណ 45 នាក់។

image

នាយកទីផ្សារជាន់ខ្ពស់របស់ក្រុមហ៊ុន Huawei ប្រចាំប្រទេសកម្ពុជា លោក អែម យុទ្ធូ បាន​ឲ្យ​ដឹង​ថា កម្មវិធីថ្លែងអំណរគុណអ្នកសារព័ត៌មាននេះ ត្រូវបានក្រុមហ៊ុន Huawei ធ្វើ​ឡើង​ជា​រឿយ​ៗ ដើម្បី​ថ្លែង​អំណរគុណចំពោះបណ្ដាអ្នកសារព័ត៌មានក្នុងស្រុកទាំងឡាយ ដែល​បាន​សរ​សេរ និង​ចែក​រំលែក​ព័ត៌មាន​ស្ដីពីស្មាតហ្វូន និងបច្ចេកវិទ្យា​ Huawei កន្លងមក​​ និងដើម្បី​ផ្ដល់​ឱកាស​ឲ្យ​អ្នកសារព័ត៌​មាន​ទាំងអស់បានជួបជុំ សួរសុខទុក្ខ ជជែកពិភាក្សាគ្នា ពីប្រធានបទផ្សេងៗ​ទាក់ទងនឹងស្មាតហ្វូន និង​បច្ចេកវិទ្យាថ្មីៗ។ លើសពីនេះ អ្នកសារព័ត៌មាន​ទាំងអស់​ក៏អាច​ធ្វើតេស្ត​ស្មាត​ហ្វូនស៊េរីថ្មីៗបំផុតរបស់ Huawei ទៀតផង។

លោក យុទ្ធូ ក៏បានបង្ហើ​បផងដែរពីគម្រោងរបស់ក្រុមហ៊ុន Huawei ក្នុងការនាំចូលស្មាតហ្វូន​ស៊េរីថ្មី 03 ស៊េរីក្នុងពេលតែមួយនៅដើមឆ្នាំ 2016 នេះ ប៉ុន្តែលោក មិនទាន់ បញ្ចេញ ពីឈ្មោះ របស់​ស្មាតហ្វូន Huawei ស៊េរីថ្មី ទាំង 03 ស៊េរីនេះឡើយ។

លោក គឹម ប៊ុន មកពី កាសែតរស្មីកម្ពុជា ដែលជាអ្នកសារព័ត៌មានរៀបច្បង និងបំរើការផ្នែកសារព័ត៌មានប្រមាណ ២០ ឆ្នាំមកហើយ បានឲ្យដឹងថា លោកចូលចិត្តកម្មពិធីថ្លែងអំណរគុណអ្នក​សារព័ត៌មាន​របស់ក្រុមហ៊ុន Huawei ព្រោះកម្មវិធីនេះអាចឲ្យអ្នកជួបជុំពិភាក្សាគ្នាលេង ស្គាល់គ្នាកាន់តែច្បាប់ក្នុងលក្ខណៈដូចបងប្អូន ជាមួយបណ្ដាអ្នក​សារ​ព័ត៌មាន​ដទៃ ជាលក្ខណៈសម្រាកកម្សាន្ត និងញុំាអាហារពេលល្ងាច។

image

លោក សោម ចន្ថា មកពីទស្សន៍ប៉ុស្តិ លេ៍ខ ៣  ក៏បានសម្ដែងការចាប់អារម្មណ៍ចំពោះកម្មពិធីថ្លែងអំណរគុណអ្នក​សារព័ត៌មាន​របស់ក្រុមហ៊ុន Huawei នេះដែរ ដោយសារតែកម្មវិធីផ្ដល់​ឱកាស​ឲ្យអ្នក​សារ​ព័ត៌​មាន​​ទទួលបានចំណេះ​បន្ថែមសំខាន់ៗពីស្មាតហ្វូន Huawei ដែល​ចែក​រំលែក​ដោយបុគ្គលិក​ជំនាញ ​និង​ជាពិសេស​អ្នកសារ​ព័ត៌មានគ្រប់រូបអាចស្នើសុំខ្ចីស្មាតហ្វូន Huawei ប្រើប្រាស់រយៈពេលវែងបាន។

image

គួររម្លឹកថា ក្រៅពីការ ជួបជុំគ្នា ញុំាំអាហារ ស្ដាប់តន្រ្តី ក្រុមហ៊ុន Huawei ក៏បានផ្ដល់​ជូនផង​ដែរ ការសួរសំណួរងាយៗ អំពីក្រុមហ៊ុនហូវៃ ដើម្បីឈ្នះរង្វាន់នូវកម្មវិធីចាប់ឆ្នោតផ្សងសំណាងជូនអ្នកសារព័ត៌មានផងដែរ។ ក្នុងនោះរង្វាន់រួមមាន G7 Plus 01 Huawei P8lite មួយរង្វាន់  និង G Play Mini មួយរង្វាន់។

ព័ត៌មានបន្ថែម៖ https://www.facebook.com/HuaweiDeviceCambodia/

Like and Share this page:

Related Posts


Comments

ជួយគាំទ្រយើងនៅក្នុង Facebook

ព័ត៌មានពេញ​និយម​ប្រចាំ​សប្ដាហ៍

ទិញលក់ ទំនិញ ពេញ​និយម​ប្រចាំ​សប្ដាហ៍

ចំនួនអ្នកចូលទស្សនា

Today : 1526
Yesterday : 12891
This Month : 210562
Last Month : 436284
Total Visitor : 28165134