កាលពីថ្ងៃ 9 ខែកញ្ញា ឆ្នាំ 2017 ក្រុមហ៊ុន MyTeb Cambodia បានរៀបចំសិក្ខាសាលាមួយស្តីអំពី សារៈសំខាន់នៃការប្រើប្រាស់ Chromebook សំរាប់វិស័យអប់រំនៅក្នុងប្រទេសកម្ពុជា ដែលពិធីនេះបានប្រារព្ធធ្វើឡើងនៅ Emerald Hub ជាមួយនិងវត្តមានភ្ញៀវកិត្តិយសជាតិ និងអន្តរជាតិ ដែលអញ្ជើញមកពីសាលាភាសារបរទេសអន្តជាតិ ជាច្រើនរូប។
តាមប្រសាសន៍របស់លោក David Tan ដែលជាអគ្គនាយគ្រប់គ្រងក្រុមហ៊ុន MyTeb Cambodia បានបញ្ជាក់ថា គោលបំណងនៃការរៀបចំសិក្ខាសាលានេះឡើង គឺដើម្បីបង្ហាញពីសារៈសំខាន់នៃការប្រើប្រាស់ Chromebook ដោយសារតែផលិតផលនេះ វានឹងអាចចូលរួមកាត់បន្ថយការចំណាយរបស់មាតាបិតាសិស្ស ពិសេសវាមានសមត្ថភាពអាចធ្វើការងារបានដូចកុំព្យូទ័រយួរដៃផ្សេងទៀតអញ្ចឹងដែរ។ Chromebook គឺមានតម្លៃប្រហាក់ប្រហែលតែ 139 ដុល្លាប៉ុណ្ណោះ គឺខុសគ្នាច្រើនណាស់បើប្រៀបធៀបជាមួយនឹងកុំព្យូទ័រយួដៃដទៃទៀត។ លោកបន្តថា អ្វីដែលសំខាន់ជាងនេះ គឺដើម្បីជាការចូលរួមចំណែកលើកកំពស់វិស័យព័តមានវិទ្យានៅក្នុងវិស័យអប់រំនៅកម្ពុជា ផងដែរ។ ម៉ាស៊ីនដ៏តូចនេះ គឺជាផលិតផលថ្មី និងមានការធានាត្រឹមត្រូវរយះពេលមួយឆ្នាំពីក្រុមហ៊ុន MyTeb Cambodia ទៀតផង។
Chromebooks ក្លាយជាកុំព្យូទ័រមួយដែលទទួលបានការពេញនិយមខ្លាំងហើយឥឡូវនេះវាមានចំនួនច្រើនជាង 58% ប្រើប្រាស់នៅក្នុងសាលារៀនជាច្រើននៅសហរដ្ឋអាមេរិច។ កុំព្យូទ័រ Chromebooks ច្រើនជាង 30,000 ត្រូវគេបើកប្រើប្រាស់ជារៀងរាល់ថ្ងៃដែលធ្វើអោយកុំព្យូទ័រនេះពេញនិយមបំផុតនៅក្នុងសាលារៀនជាច្រើននៅសហរដ្ឋអាមេរិចជាជាង Apple Macbook ។កុំព្យូទ័រ HP Chromebook 11 ភ្ជាប់ជាមួយនឹងអេក្រង់ទំហំ 11.6 អ៊ីញកម្រិតភាពច្បាស់ 1366 x 768 កញ្ចក់ប្រភេទ IPS Screen ដែលបង្ហាញរូបភាពស្រស់ស្អាតកាន់តែអស្ចារ្យភ្លឺច្បាស់ត្រជាក់ភ្នែក កម្រិតពន្លឺ (Brightness) ខ្ពស់ ហើយវាមានរូបរាងរឹងមាំថែមទៀតក្នុងការប្រើប្រាស់។ កុំព្យូទ័រនេះដំណើរការជាមួយបន្ទះឈីប dual-core Samsung Exynos 5250 processor រ៉េមផ្ទុកទិន្នន័យក្នុងម៉ាស៊ីនទំហំ 2GB និងថាសរឹងផ្ទុកទិន្នន័យទំហំ 16GB ហើយវាក៏ផ្តល់នូវសេវាកម្ម Cloud Storage សម្រាប់រក្សាទុកទិន្នន័យជាច្រើនដោយឥតគិតថ្លៃថែមទៀតផង។ ការចំណាយថវិកាចំនួន $139 ពិតជាជម្រើសមួយដ៏សក្តិសមបំផុតសម្រាប់ការចាយវាយនៅក្នុងការពង្រឹងគុណភាពនៃការសិក្សាតាមបច្ចេកវិទ្យាថ្មីនៅក្នុងសាលារៀន។
ចំណុចសំខាន់នៃកុំព្យូទ័រនេះ គឺវាប្រើប្រាស់នូវ Google Chrome ដែលផ្តល់នូវភាពងាយស្រួលនៅក្នុងប្រើប្រាស់ ដោយសារតែលោកអ្នកអាចធ្វើការដោនឡូដ កម្មវិធីផ្សេងៗនៅលើ Websote ដែលមានស្រាប់នៅក្នុងប្រព័ន្ធប្រតិបត្តិការណ៍នេះ ហើយវាមានកម្មវីធីជាច្រើនសំរាប់រៀន និងកំសាន្ត ដែលភាគច្រើន គឺមិនគិតថ្លៃនោះទេ។ មួយវិញទៅវាក៏នូវមានកម្មវិធី Office ផងដែរ ដែលអាចអោយក្មេងៗ វាយអត្ថបទ ឬក៏វាយបញ្ចូលទិនន្ន័យផ្សេងៗចូលទៅក្នុងកុំព្យូទ័រនេះបានយ៉ាងរលូន ហើយក៏អាចប្រើប្រាស់បណ្តាញសង្គម Facebook, Line បានថែមទៀតផង។ អ្វីដែលពិសេស ពួកគេក៏អាចមើល Youtube បានផងដែរ និយាយរួម គឺវាពិសេសៗសំរាប់ក្មេង និងសន្សំសំចៃថវិកាបានច្រើនសំរាប់អាណាព្យាបាល ដែលមិនសូវមានថវិកាច្រើន។ តោះតេស្ត៍សាកល្បងសំរាប់ក្មេងៗទាំងអស់ នៅក្រុមហ៊ុន Myteb Cambodia។
សម្រាប់ព័ត៌មានបន្ថែម សូមចូលទៅកាន់គេហទំព័រ www.mytebtech.com ឬទំនាក់ទំនងទៅកាន់លេខទូរស័ព្ទ 015 478811 – 076 7777561 ដើម្បីទទួលបានកុំព្យូទ័រនៅថ្ងៃនេះ! លោកអ្នកក៏អាចចូលទៅក្នុង Chromebook Cambodia នៅលើបណ្តាញសង្គម Facebook ផងដែរ៕