ក្នុងអំឡុងពេលកិច្ចប្រជុំ “5G is ON”នៅសៀងហៃ ក្រុមហ៊ុនបច្ចេកវិទ្យា Huawei ប្រកាសពីការសម្រេចបាននូវកិច្ចសន្យា 5G រហូតដល់ទៅ 50 នៅទូទាំងពិភពលោក ខណៈពេលថ្មីៗនេះវាមានការបង្ហាញថាភាគច្រើននៃក្រុមហ៊ុនទាំងនោះត្រូវបញ្ជាទិញដោយប្រតិបត្តិកររបស់អឺរ៉ុប។ លោក Chen Lifang អគ្គនាយក និងប្រធាននាយកដ្ឋានកិច្ចការសាធារណៈ និងទំនាក់ទំនងនិយាយថាក្រុមហ៊ុន Huawei ទទួលបានកិច្ចសន្យា 5G របស់ខ្លួនទូទាំងពិភពលោកចំនួន 50 ដែលក្នុងនោះ 28 ត្រូវចុះហត្ថលេខានៅអឺរ៉ុប។

បន្ទាប់ពីការដាក់កំហិតពាណិជ្ជកម្មអាមេរិកលើក្រុមហ៊ុន Huawei មេដឹកនាំអាមេរិកកំពុងបន្តប្រឆាំងសម្ព័ន្ធភាពអឺរ៉ុបដើម្បីលុបបំបាត់ក្រុមហ៊ុន Huawei ពីហេដ្ឋារចនាសម្ព័ន្ធ 5G ដែល EU បដិសេធទៅលើរឿងនេះផងដែរ។ លោក Chen និយាយថា “ក្រុមហ៊ុន Huawei កំពុងតែតាមដានយ៉ាងដិតដល់នូវក្របខ័ណ្ឌ 5G របស់សហភាពអឺរ៉ុប ហើយគាំទ្រយ៉ាងពេញទំហឹងនូវក្របខណ្ឌនេះ” ។យោងតាមរបាយការណ៍នាពេលថ្មីៗនេះ ក្រុមហ៊ុន Huawei កំពុងតែធ្វើការយ៉ាងជិតស្និទ្ធជាមួយក្រុមហ៊ុនទូរស័ព្ទចល័តធំៗទាំងអស់នៅចក្រភពអង់គ្លេសដើម្បីជំរុញបណ្តាញ 5G នៅក្នុងប្រទេសនេះ។

នៅថ្ងៃទី 25 ខែមិថុនាឆ្នាំ 2019 លោក Ryan Ding នាយកប្រតិបត្តិនៃក្រុមប្រឹក្សានាយក និងប្រធានក្រុមហ៊ុនដឹកជញ្ជូន BG របស់ក្រុមហ៊ុន Huawei ប្រកាសថារហូតមកដល់ពេលនេះក្រុមហ៊ុនទទួលកិច្ចសន្យាពាណិជ្ជកម្ម 5G ចំនួន 50 គ្រឿងនិងដឹកជញ្ជូនច្រើនជាង 150,000 ស្ថានីយ៍។ ក្រុមហ៊ុននេះក៏ប្រកាសផងដែរថាខ្លួនមានបំណងបញ្ជូនស្ថានីយ៍ 5G អោយបានដល់ទៅ 500,000 នៅឆ្នាំនេះ។

បច្ចុប្បន្ននេះការតំឡើង 5G ទៅដល់បណ្តាប្រទេសនានាដូចជាកូរ៉េខាងត្បូង ចក្រភពអង់គ្លេស ហូឡង់ អ៊ីតាលី និងគុយវ៉ែតដែលចាប់ផ្តើមដំណើរការអាជីវកម្មពួកគេនៅក្នុងបណ្តាញ 5G ដែលក្នុងនោះ 2/3 ត្រូវសាងសង់ដោយក្រុមហ៊ុន Huawei ៕