ក្រុមហ៊ុនបច្ចេកវិទ្យា Honor បានចាប់ផ្តើមដាក់អោយដំណើរការនូវមុខងារ SpO2 និង Smart Music Control តាមរយៈការអាប់ដេតទៅលើ Firmware សម្រាប់អ្នកប្រើប្រាស់ជាច្រើននៅលើ Honor Band 5i នៅក្នុងប្រទេសឥណ្ឌា។

មុខងារ SpO2 អាចអោយអ្នកប្រើប្រាស់វាស់កំរិតអុកស៊ីសែនឈាម និងការបញ្ជាតន្រ្តីពីចម្ងាយអនុញ្ញាតឱ្យអ្នកប្រើប្រាស់បំពេញភារកិច្ចដូចជាការកែសំរួលសម្លេងតន្ត្រី ការផ្លាស់ប្តូរបទចម្រៀង ការផ្អាក និងជម្រើសចាក់សារឡើងវិញដោយផ្ទាល់ចេញពីកដៃរបស់អ្នក។

អ្នកអាចមើលទៅលើការអាប់ដេតនេះបានតាមរយៈការភ្ជាប់នាឡិកា Honor Band នេះទៅកាន់ Huawei Health app តាមរយៈការចូលទៅកាន់ Me > My ។ អ្នកអាចប៉ះទៅលើ Firmware update នេះហើយអនុវត្តន៍ទៅលើពាក្យបញ្ជាជាច្រើនដើម្បីអាប់ដេតនៅលើនាឡិការបស់អ្នក។ ការអាប់ដេតនេះគឺជា 1.0.5.86 version ជាមួយនឹងទំហំ 4.54 MB ៕