នៅពេលជម្លោះដែលកំពុងផ្ទុះឡើងរវាងក្រុមហ៊ុន Huawei និងរដ្ឋាភិបាលសហរដ្ឋអាមេរិកនៅតែបន្តកើតមាននោះកាសែត The Wall Street Journal កំពុងនាំអារម្មណ៍របស់យើងទៅសមរភូមិមួយទៀតគឺទឹកដីនៃសម្ព័ន្ធមិត្តមួយរបស់អាមេរិកនោះគឺប្រទេសអូស្ត្រាលី។

តាមសេចក្តីរាយការណ៍ក្រុមហ៊ុន Huawei នឹងរៀបចំការប្រជុំនៅក្នុងសាលាក្រុងជាច្រើននៅទូទាំងប្រទេសដើម្បីព្យាយាមបញ្ចុះបញ្ចូលពលរដ្ឋអូស្រ្តាលីដើម្បីព្យាយាមបញ្ច្រាសការសម្រេចចិត្តរបស់រដ្ឋាភិបាលក្នុងការដកឧបករណ៍របស់ខ្លួនចេញពីការស្ថាបនាបណ្តាញ 5G នៅក្នុងប្រទេសអូស្រ្តាលី។

ក្រុមហ៊ុនចិននឹងរៀបចំព្រឹត្តិការណ៍ចំនួន ៤ នៅតាមបណ្តាទីក្រុងធំៗក្នុងប្រទេសអូស្រ្តាលីរួមមានទីក្រុង Canberra និងទីក្រុង Melbourne បន្ទាប់មករៀបចំការប្រជុំបន្ថែមទៀតនៅតាមទីក្រុងតូចៗជាច្រើនទៀត។ កិច្ចខិតខំប្រឹងប្រែងរបស់ក្រុមហ៊ុន Huawei ផ្តោតលើការឈ្នះជាសាធារណៈនៅក្នុងប្រទេសអូស្រ្តាលី និងនូវែលសេឡង់។ ដើម្បីធ្វើឱ្យស្ថានការណ៍របស់ខ្លួនប្រសើរជាងមុនក្រុមហ៊ុន Huawei បានជ្រើសរើសលោក Andy Purdy ប្រធានក្រុមហ៊ុនសន្តិសុខអ៊ីនធឺណិតនៅសហរដ្ឋអាមេរិកដែលធ្លាប់ជាមន្ត្រីសន្តិសុខខាងសន្តិសុខអ៊ីនធឺណិតក្នុងរដ្ឋបាលលោក George W. Bushដើម្បីជួយក្នុងកិច្ចប្រជុំសាលាក្រុងដំបូងរួមជាមួយ លោក Nick Xenophon អតីតសមាជិកសភាអូស្ត្រាលីដែលនឹងត្រូវនិយាយនៅក្នុងព្រឹត្តិការណ៍នោះផងដែរ។