ក្រុមហ៊ុនបច្ចេកវិទ្យា Microsoft ជឿជាក់ថា ក្រុមហេគឃ័រដែលវាយប្រហារទៅលើក្រសួងរដ្ឋាភិបាលជាច្រើនរបស់សហរដ្ឋអាមេរិក និងក្រុមហ៊ុនអាជីវកម្មជាច្រើនដើម្បីគ្រប់គ្រងទៅលើកូដព័ត៌មានជាច្រើនអំពីកម្មវិធី Software នេះ។ ក្រុមហ៊ុន Microsoft ស្ថិតនៅក្នុងចំណោមអតិថិជនរបស់ក្រុមហ៊ុន  SolarWinds របស់សហរដ្ឋអាមេរិកដែលប្រព័ន្ធជាច្រើនរបស់ពួកគេត្រូវបានហេគកាលពីដើមឆ្នាំនេះ។ នៅថ្ងៃទី ១៧ ខែធ្នូនេះ អ្នកតំណាងជាច្រើនរបស់ក្រុមហ៊ុន Microsoft អះអាងថា កូដមេរោគរបស់ក្រុមហ៊ុន SolarWinds ត្រូវបានរកឃើញនៅក្នុងប្រព័ន្ធអេកូឡូស៊ីរបស់ខ្លួននោះ។

អ្នកជំនាញជាច្រើនរបស់ក្រុមហ៊ុននេះរបាយការណ៍ថា គណនីមួយត្រូវបានប្រើប្រាស់នៅក្នុងការមើលទៅលើកូដកម្មវិធីនៅក្នុងថតមួយចំនួនផងដែរ។ កាលពីពេលមុននេះ កម្មវិធី Orion software នៅក្នុង SolarWinds ត្រូវបានហេគនៅក្នុងខែមីនា ឆ្នាំនេះ។ ក្រុមហេគឃ័រជាច្រើនបានដាក់បញ្ចូលនូវមេរោគនៅក្នុងការអាប់ដេតនៅក្នុង Orion ដែលត្រូវបានដោនឡូត និងប្រើប្រាស់ដោយអតិថិជនជាច្រើនពាន់នាក់របស់ក្រុមហ៊ុន SolarWinds ដែលនៅក្នុងនោះគឺមានទីភ្នាក់ងារជាច្រើនរបស់រដ្ឋាភិបាល និងក្រុមហ៊ុនអាមេរិកជាង ៤០០ ទៀតផងដែរ។

នៅក្នុងសេចក្តីថ្លែងការណ៍រួមមួយដែលចេញផ្សាយកាលពីសប្តាហ៍មុននេះបញ្ជាក់ថា ទីភ្នាក់ងារស៊ើបការណ៍សម្ងាត់របស់សហរដ្ឋអាមេរិក ប៉ូលិស FBI និងទីភ្នាក់ងារសុវត្ថិភាពអ៊ីនធឺរណិតនិយាយថា ពួកគេមានឯកសារនៃការវាយប្រហារទៅលើបណ្តាញកុំព្យូទ័រ Networks របស់រដ្ឋាភិបាលសហព័ន្ធនេះ។ លោក Michael Pompeo និយាយថា ប្រទេសរុស្សីគឺពាក់ព័ន្ធទៅនឹងការវាយប្រហារនេះ៕