ថ្មីៗនេះ ក្រុមហ៊ុនបច្ចេកវិទ្យា Meizu បានប្រកាសបង្ហាញនូវកាសស្តាប់ Meizu Blus Air True Wireless earbuds ។កាសស្តាប់ Meizu Blus Air True Wireless នេះអាចប្រើប្រាស់បាន 25 ម៉ោង។ វាមានថាមពលថ្មប្រើប្រាស់បានយូរជាងកាស Apple AirPods Pro ។ កាសស្តាប់ Blus Air TWSនេះមានភ្ជាប់ជាមួយនឹង TPU suspension edge និងតួខ្លួនអាលុយមីញ៉ូមម៉ាញ៉េស្យូមរឹងមាំក្នុងការប្រើប្រាស់ថែមទៀត។
កាសស្តាប់នេះមានភ្ជាប់ជាមួយនឹង dual microphone ហើយវាក៏ល្អសម្រាប់ប្រើប្រាស់នៅក្នុង Indoor/ Outdoors បានផងដែរ។ វាក៏មានភ្ជាប់ជាមួយនឹង Environment Noise Cancellation algorithm ។ កាសស្តាប់នេះទ្រទ្រង់នូវ Bluetooth 5.2 និង ultra-low latency ។ កាសស្តាប់នេះមានទម្ងន់ 3.9 g និងទ្រទ្រង់នូវ IPX5 splash proof ផងដែរ។ កាសស្តាប់នេះអាចភ្ជាប់ជាមួយនឹងស្មាតហ្វូន Meizu ដែលប្រើប្រាស់នូវ Flyme OS ផងដែរ៕