នៅក្នុងព្រឹត្តិការណ៍កាលពីយប់មិញនេះរបស់ក្រុមហ៊ុនបច្ចេកវិទ្យា Nokia Mobile ដែលធ្វើការផ្សាយបន្តផ្ទាល់ចេញពីទីក្រុងប៊ែរឡាំងគឺប្រកាសបង្ហាញនូវស្មាតហ្វូនស៊េរីថ្មី រួមជាមួយនឹងទូរស័ព្ទអិនចុចពិលជំនាន់ថ្មីផងដែរ។ Nokia អិនចុចពិលស៊េរីថ្មីនេះគឺ Nokia 110 ដែលខុសប្លែកពីជំនាន់មុនៗរបស់វាដោយសារតែពេលនេះវាមានភ្ជាប់ជាមួយនឹងកាមេរ៉ាមួយគ្រាប់មកជាមួយថែមទៀត។
Nokia 110 ស៊េរីថ្មីនេះមានតួខ្លួនផលិតឡើងពីផ្លាស្ទិកដែលមានពណ៌ខៀវ ផ្កាឈូក និងខ្មៅ។ វាដំណើរការនូវប្រព័ន្ធប្រតិបត្តិការ Nokia Series 30+ platform នឹងមានភ្ជាប់ជាមួយនឹងហ្គេមពស់រួមជាមួយនឹងហ្គេម ៤ ទៀតគឺ Ninja Up, Airstrike, Penalty Cup, Doodle Jump ផងដែរ។ អ្វីដែលពិសេសនោះ វាមានកាមេរ៉ា ១ គ្រាប់នៅខាងក្រោយ និងថាមពលថ្ម 800mAh ដែលអាចទុកចោលបាន ១៩ ថ្ងៃ ការស្តាប់តន្រ្តីបាន ២៧ ម៉ោង ការស្តាប់វិទ្យុបាន ១៨ ម៉ោង និងនិយាយបាន ១៤ ម៉ោងថែមទៀត។
លក្ខណៈសម្បត្តិ៖
វិមាត្រ: 115.15 x 49.85 x 14.3mm / 75g
អេក្រង់: 1.77″ QQVGA
កាមេរ៉ា: qVGA
ម៉េមូរី: 4MB RAM, 4MB internal
ប្រព័ន្ធប្រតិបត្តិការ: Nokia Series 30+
ថាមពលថ្ម: 800mAh
Network: 900/1800MHz
មុខងារសំខាន់ៗ: LED torchlight, 3.5mm headphone jack, Snake game + 4 more, FM Radio