តាមតួរលេខរបស់បញ្ញត្តិករទូរគមនាគមន៏កម្ពុជា នាចុងឆ្នាំ ២០១៣ ចំនួនអ្នកប្រើប្រាស់សេវា
អ៊ិនធើណិត នៅក្នុងប្រទេស កម្ពុជាមានការកើនឡើងជិត ៤លាននាក់។ ចំនួននេះបានបង្ហាញពីសន្ទុះនៃភាពរីកចំរើនលើវិស័យទូរគមនាគមន៏ នៅក្នុងប្រទេសកម្ពុជាពីមួយឆ្នាំទៅមួយឆ្នាំ។
កំណើន នៃអ្នកប្រើប្រាស់នេះ បានជំរុញឲ្យប្រតិបត្តិករសេវាអ៊ិនធើណិតបង្កើនការយកចិត្តទុកដាក់ និងផ្តល់ជូន អតិថិជន នូវជម្រើសដ៏ប្រសើរ វាក៏ផ្តល់ឱកាសល្អសម្រាប់ជំនួញ ក៏ដូចជាគម្រោងអាជីវកម្ម របស់លោកអ្នកផងដែរ។
នាពេល ប្បច្ចុប្បន្ននេះ មានក្រុមហ៊ុនផ្តល់សេវាអ៊ិនធើណិតជាច្រើន កំពុងប្រតិបត្តិការនៅក្នុង ប្រទេសកម្ពុជា ជាមួយនិងការផ្តល់សេវាច្រើនប្រភេទ និងគ្រប់ជម្រើសដល់អតិថិជន។ លោកអ្នកប្រាកដជាពិបាកចំពោះការសម្រេចចិត្តថាតើត្រូវជ្រើសរើស ក្រុមហ៊ុនផ្តល់សេវាអ៊ិនធើ
ណិតប្រភេទណា ដើម្បីឲ្យជំនូញរបស់លោកអ្នកមានសុវត្តិភាព និងរីកចំរើន។ ដើម្បីជាជំនួយដល់លោកអ្នក យើងសូម បង្ហាញពីគន្លឹះខ្លះៗចំពោះលោកអ្នកដែលស្វែងរកក្រុមហ៊ុនផ្តល់
សេវាអ៊ិនធើណិតដើម្បីសម្រួលដល់ការប្រតិបត្តិការអាជីវកម្ម ។
ដើម្បី ឲ្យជំនួញរបស់លោកអ្នកមានភាពជោគជ័យ គប្បីលោកអ្នកគួរតែជ្រើសរើស ក្រុមហ៊ុន ផ្តល់សេវាអ៊ិនធើណិតដែលមានស្ថេរភាព មិនរអាក់រអួល។ ជាទូទៅយើងសូមណែនាំលោក អ្នកឲ្យជ្រើសរើសក្រុមហ៊ុនដែល
ផ្តល់នូវ៖
១. ប្រតិបត្តិការខ្សែកាបអុបទិក (Fiber Optic)
សេវាខ្សែកាបអុបទិក(Fiber Optic) ជួយឲ្យអាជីវកម្មលោកអ្នក មានភាពរលូន ពីព្រោះវា
អាចទាញយក និងបញ្ចូលឯកសាបានលឿន មិនតែប៉ុណ្ណោះ រាល់ការ បញ្ជូនទិន្និន័យ ឯកសារ សំលេង វីដេអូ និងរូបភាព មានភាពច្បាស់ល្អជាមួយនិងល្បើនលឿនទ្វេដង លើសពីសេវាកម្ម ADSL ឬក៏សេវា Wireless។ លោកអ្នកចំណាយតិច ប៉ុន្តែទទួលបាននូវ សេវាអ៊ិនធើណិតមួយដែលជឿជាក់ និងមិនរអាក់រអូលចំពោះការងាររបស់លោកអ្នក។
២. សេវា មជ្ឍមណ្ឌលការពារទិន្និន័យពីគ្រោះមហន្តរាយ (Disaster Recovery)
នា យុគសម័យថ្មីនេះ រាល់ទនិ្នន័យ និងឯកសារគ្រប់ប្រភេទ ភាគច្រើន ធ្វើឡើងជា Soft Copy ដូច្នេះវាប្រឈមមុខ និងការបាត់បង់ខ្ពស់ នៅពេលដែលជួបនូវគ្រោះមហន្តរាយជាយថាហេតុ ដូចជា ភ្លើងឆេះ ឬគ្រោះមហន្តរាយធម្មជាតិជាដើមឬក៏បើសិនជាកុំព្យូទ័ររបស់លោកអ្នកលែង ដំណើរការជាដើម ដូច្នេះបានជា ក្រុមហ៊ុន សហគ្រាសធំៗ ជាច្រើនត្រូវការយ៉ាងចាំបាច់នូវ សេវាកម្ម Disaster Recovery ពីព្រោះសេវាកម្មនេះជូយរក្សាទុក រាល់ទិន្និន័យទាំងអស់របស់លោកអ្នកឲ្យមានសុវត្ថិភាពខ្ពស់។ មជ្ឍមណ្ឌលការពារទិន្និន័យពីគ្រោះមហន្តរាយ (Disaster Recovery)និងការពារទិន្និន័យនិងប្រព័ន្ធប្រតិបត្តិការ ក្នុងលក្ខខណ្ឌដែលក្រុមហ៊ុន សហគ្រាសរបស់លោកអ្នក ជួបឧបត្តិវហេតុឬគ្រោះមហន្តរាយដោយចេដន្យក្នុងប្រការណាមួយ។ ជាឧទាហរណ៏ បើសិនជាក្រុមហ៊ុន សហគ្រាសរបស់លោកអ្នកជួបគ្រោះមហន្តរាយ ភ្លើងឆេះ ឬបញ្ហាទាក់ទងនិងប្រព័ន្ធប្រតិបត្តិការទិន្និន័យ និងឯកសារប្រើប្រាស់ប្រចាំថ្ងៃ លោកអ្នកនៅតែអាចបំពេញការងារជាធម្មតា ដោយសារមជ្ឍមណ្ឌលការពារទិន្និន័យពីគ្រោះមហន្តរាយ (Disaster Recovery)បាន រក្សា និងកត់ត្រាទុករាល់ទិន្និន័យប្រចាំថ្ងៃរបស់លោកអ្នក។
៣.សេវា ជូលមជ្ឍមណ្ឌល ផ្ទុកទិន្និន័យ (Co-Location)
យើង ដឹងថាទិន្និន័យ និង ឯកសាររបស់លោកអ្នកគឺពិតជាសំខាន់មិនអាចខ្វះបាន ដូច្នេះវាតម្រូវឲ្យមានការថែទាំយ៉ាង ម៉ត់ចត់។លោកអ្នកត្រូវតែ មានមជ្ឃមណ្ឌលផ្ទុកទិន្និន័យដែលគួរឲ្យទុកចិត្តមួយសម្រាប់រក្សា ទុករាល់ឯកសារ និងទិន្និន័យសំខាន់ៗទាំងអស់នោះ។ លោកអ្នកត្រូវតែរកក្រុមហ៊ុនផ្តល់សេវា អ៊ិនធើណិតដើម្បីជួយលោកអ្នកក្នុងបញ្ហានេះ។ ក្រុមហ៊ុនផ្តល់សេវា
អ៊ិន ធើណិតដែលមានមជ្ឍមណ្ឌលផ្ទុកទិន្និន័យដែលគួរឲ្យទុកចិត្ត គឺជាក្រុមហ៊ុនដែលមាន ល្បើនអ៊ិនធើណិតលឿន ព្រមជាមួយ សម្ភារៈ និងឧបករណ៏ការពារខ្ពស់ ដូចជា កាមេរ៉ាសុវត្ថិភាព(CCTV) សន្តិសុខ (security) បំពង់ពន្លត់អគ្គីភ័យគ្រប់ទីកន្លែង( FM200-Fire Suppression) ឧបករណ៏ទប់អគ្គីសនី (Redundant UPS) ម៉ាស៊ីនត្រជាក់ (Central Air Conditioner) ម៉ាស៊ីនភ្លើង(Standby Generator), Automatic Transfer Switch (ATS), ១០០% Neutral Data Center និង បន្ទះទ្រ(Raised Floor) និងអ្នកបច្ចេកទេសបម្រើការងារ២៤ម៉ោងក្នុង១សប្តាហ៏។
៤. សេវាបង្ហោះគេហទំព័រ (Web Hosting)
យើង ដឹងថា លោកអ្នកនិងពិបាកគ្រប់គ្រងទន្និន័យរបស់លោកអ្នក ឬក៏ពិបាកសុំជំនួយបច្ចេកទេសពីប្រតិបត្តិករនៃក្រៅប្រទេស ដើម្បីឲ្យការងាររបស់លោកអ្នក ដំណើរការបានដោយរលូន។ ដូច្នេះសូមស្វែងរក ក្រុមហ៊ុនផ្តល់សេវាអ៊ិនធើណិតក្នុងស្រុក ក្នុងការបង្ហោះគេហទំព័ររបស់អ្នក ក្នុងគោលបំណងផ្តល់ការការពារនូវសុវត្ថិភាព ទិន្និន័យរបស់លោកអ្នក មិនតែប៉ុណ្ណោះវាផ្តល់ ជំនួយបច្ចេកទេសទាន់ពេលវេលា ២៤ម៉ោងក្នុង១សប្តាហ៏ បន្ថែមលើនេះទៀត លោកអ្នកអាចគ្រប់គ្រងទិន្និន័យរបស់លោកអ្នកបានដោយងាយស្រួល។ បើសិនជាលោកអ្នកបង្ហោះគេហទំព័ររបស់លោកអ្នកជាមួយនិងក្រុមហ៊ុនបរទេស ដូចជា ក្រុមហ៊ុន Google និង Godady។ លោកអ្នកត្រូវចំណាយពេលយ៉ាងតិច ៧២ម៉ ក្នុងការចុះឈ្មោះ ឬសុំជំនួយបច្ចេក
ទេស។ កត្តានេះនិងធ្វើឲ្យអាជីវកម្មរបស់លោកអ្នកមានភាពរអាក់រអួល ដូច្នេះលោកអ្នកគួរស្វែងរកក្រុមហ៊ុនផ្តល់សេវាអ៊ិនធើណិតក្នុងស្រុក ដែលជឿជាក់មួយដើម្បីបង្ហោះគេហទំព័ររបស់លោកអ្នក ដើម្បីឲ្យ អាជីវកម្មរបស់លោកអ្នកមានភាពរីកចំរើន។
៥. សេវាកម្ម និង តម្លៃប្រគួតប្រជែង
លោកអ្នកត្រូវប្រាកដថា លោកអ្នកនិងទទួលបានសេវាកម្មដ៏ល្អមួយ សម្រាប់ធ្វើឲ្យក្រុមហ៊ុន ក៏ដូចជាអាជីវកម្មរបស់លោកអ្នកមានភាពរីកចំរើន ហើយលោកអ្នកក៏ត្រូវប្រាកដថា ក្រុមហ៊ុន
ផ្តល់សេវាកម្មអ៊ិនធើណិតដែលលោកអ្នកជ្រើសរើសនោះ គឺបំពេញតម្រូវការរបស់លោកអ្នក។ សេវាកម្មដែលល្អគឺផ្តោតទៅលើការបម្រើសេវាអតិថិជន ទាំងបច្ចេកទេស និងព័ត៌មាន ២៤ម៉ោង ក្នុង១សប្តាហ៏ ការឆ្លើយតបរាល់ចម្ងល់របស់លោកអ្នកបានយ៉ាងឆាប់រហ័ស ជាមួយគ្នានេះដែរ ក្រុមហ៊ុនផ្តល់សេវាអ៊ិនធើណិតនោះ មានបច្ចេកវិទ្យា ទំនើបចុងក្រោយ ក៏ដូចជាបច្ចេកវិទ្យាឈានមុខគេ ដើម្បីធ្វើឲ្យអាជីវកម្មរបស់លោកអ្នកអាចប្រកួតប្រជែងជាមួយ បណ្តាក្រុមហ៊ុន អាជីកម្មផ្សេងៗទៀត។
មួយវិញទៀត លោកអ្នកក៏ត្រូវប្រាកដដែរថា លោកអ្នកនិងទទួលបាននូវតម្លៃមួយដែរប្រកួតប្រជែងនិងទីផ្សារ។
ដើម្បី ឲ្យក្រុមហ៊ុនលោកអ្នក ដំណើរការបានដោយរលូននិងមានភាពរីកចំរើន លោកអ្នកត្រូវតែជ្រើសរើសក្រុមហ៊ុនផ្តល់សេវាអ៊ិនធើណិតដែលផ្តល់នូវ សេវាដែលបានរៀបរាប់ខាងលើនេះ ដើម្បីធ្វើឲ្យអាជីវកម្មក៏ដូចជាក្រុមហ៊ុនរបស់លូតលាស់បានឆាប់រហ័ស។
ប្រភព៖ ក្រុមហ៊ុន មេគង្គណិត