ក្រុមហ៊ុន BLU Products នៅថ្ងៃនេះ​បានចេញ​លក់​នូវ​ស្មា​ត​ហ្វូ​ន​ស៊េរី​ថ្មី​មួយ​មាន​ឈ្មោះថា BLU Dash 4.5 ដែល​បំពាក់​ដោយ​អង្គ​ប្រតិបត្តិ​ការណ៍​ជា​ប្រភេទ Quad Core Processor ចេញលក់​ក្នុងតម្លៃ ១៣៩ ដុល្លារ​សម្រាប់ Unlock Version។

        សម្រាប់​មុខងារ​ពិសេស​ដែលមាន​បំពាក់​មកជា​មួយ​ស្មា​ត​ហ្វូ​ន​ម៉ូ​ដែល BLU Dash 4.5 រួមមាន ទំហំ​អេក្រង់​ប្រភេទ 4.5 inch មាន Resolution: 480×854 pixels, RAM ទំហំ 512MB, កម្រិត​កាមេរ៉ា​ទំហំ 5 មេ​ហ្គា​ភិ​ច​សែ​ល​ខាងក្រោយ និង ខាង​មុខជា VGA Camera។រីឯ​ការតភ្ជាប់​វិញ វា​រួមមាន HSPA+ និង Wi-Fi Connectivity ហើយ​ទំហំ Storage គឺ 4GB។

       អ្វីដែល​ពិសេស​សម្រាប់​ម៉ូ​ដែល​រូបនេះ​គឺថា វា​មានមក​ជាមួយ​កន្លែង​ស៊ីម​កាត​ចំនួន​ពីរ ដែលជា Dual Active Capacity ដែល​អនុញ្ញាត​ឲ្យ​លោកអ្នក​អាច Active Call នៅលើ​ស៊ីម​ទាំងពីរ​នៅក្នុងពេល​តែមួយ៕

       ប្រភពៈ intomobile