កាលពីឆ្នាំ2013 កន្លងទៅវែនតាឆ្លាតរបស់ Google ត្រូវបានដោះទៅជាបំណែកតូចៗ ក្នុងន័យពិនិត្យទៅលើផ្នែករឹងផ្សេងៗថា តើវាងាយស្រួលក្នុងការជួសជុលដែរឬទេ ក៏ដូចជាវាស់ស្ទង់តម្លៃដែល Google បានចំនាយទៅលើការផលិតវែនតាឆ្លាតនោះក្នុង 1 គ្រឿងអស់ប៉ុន្មាន។ ជាការពិតណាស់ Google Glass ស៊េរីចាស់ត្រូវបានប្រាប់អោយដឹងថា វាមានតម្លៃផលិតប្រហែលជា 208$ ទៅ 250$ ប៉ុណ្ណោះ ហើយថ្ងៃវាចេញលក់វិញមានតម្លៃថ្លៃកប់ពពកដល់ទៅ 1500$ ជាមួយនឹងចំនួនមានកំនត់ថែមទៀត។ គិតៗទៅ Google ពិតជារកស៊ីបានកាក់កបសម្បើមខ្លាំងណាស់ ព្រោះវត្ថុធាតុដើមមានតម្លៃធូរថ្លៃ តែពេលលក់ម្ដងៗគឺកើបលុយដូចទឹកអញ្ចឹង។
សម្រាប់វែនតាឆ្លាត Google ប្រចាំឆ្នាំ 2014 នេះវិញ Google បានចំនាយថវិកាតិចតួចបំផុតក្នុងការផលិត Google Glass ស៊េរីថ្មីដោយ 1 គ្រឿងចំនាយប្រាក់ត្រឹមតែ 80$ ដោយពួកគេបានដោះវែនតានោះទៅជាបំនែកតូចៗ ហើយយកផ្នែករឿងនោះមកបូកតម្លៃ។
ក្រុមការងាររបស់ Teardownបានបញ្ជាក់ប្រាប់អោយកាន់តែច្បាស់ថែមទៀតថា Google Glass នោះផ្នែកដែលមានតម្លៃថ្លៃជាងគេគឺ បន្ទះឈីប CPU TI OMAP 4430 ដែលមានតម្លៃ 13.96$ ហើយក៏មានដូចជាឈីប Wifi, Bluetooth តម្លៃ 10.79$ កាមេរ៉ាទំហំ 5 មេហ្គាភិចសែលតម្លៃ 5.66$ មុខងារ Touchscreen តម្លៃ 3$ និងកន្លែងផ្សេងៗទៀតដូចជាតួម៉ាស៊ីន ដងវែនតា ខ្ចៅ បន្ទះឈីបបូកចូលគ្នាទាំងអស់ទៅគឺមានតម្លៃ 80$ ប៉ុណ្ណោះ។