នៅថ្ងៃនេះ លោក Shen Yiren អនុប្រធានរបស់ក្រុមហ៊ុនបច្ចេកវិទ្យា Oppo បញ្ជាក់នៅលើប្លុករបស់ចិន Weibo ថា ក្រុមហ៊ុនបានទទួលជោគជ័យនៅក្នុងការចាប់ផ្តើមនូវការខល WeChat video call ដំបូងបំផុតនៅក្នុងពិភពលោកដោយប្រើប្រាស់ស្មាតហ្វូន 5G នោះ។
នៅក្នុងការប្រកាសនៅក្នុងការអភិវឌ្ឍនេះ គាត់បញ្ជាក់នៅលើការបង្ហោះនៅលើ Weibo ថា “Hello Oppo! Hello 5G! ការចែករំលែកដ៏អស្ចារ្យ! នៅវេលាម៉ោង 0:57 នៅថ្ងៃទី ៣០ ខែវិច្ឆិកានេះ យើងទទួលបានជោគជ័យនៅក្នុងការខល WeChat video call តាមរយៈស្មាតហ្វូន 5G ដំបូងបំផុត។” ការប្រកាសនៅក្នុងក្រុមហ៊ុននេះបញ្ជាក់ថា ការខលវីដេអូនេះគឺប្រើប្រាស់នូវស្មាតហ្វូន 5G ។
ក្រុមហ៊ុនបច្ចេកវិទ្យា Oppo គឺជាក្រុមហ៊ុនដែលឈានមុខគេនៅក្នុងការប្រើប្រាស់នូវ 5G standards នៅលើផលិតផលជាច្រើន។ ក្រុមហ៊ុនចាប់ផ្តើមក្រុមការងារ 5G Communication Standard របស់ខ្លួននៅក្នុងឆ្នាំ ២០១៥ នេះ។ នៅដើមខែឧសភានេះ ក្រុមហ៊ុននេះប្រកាសថា ខ្លួនទទួលបានជោគជ័យនៅក្នុងការបង្ហាញនូវ 5G video call ដោយប្រើប្រាស់នូវបច្ចេកវិទ្យា 3D structured optical technology ។ វាមានល្បឿន downlink 1.4Gbps និង uplink 160Mbps ។ ក្រុមហ៊ុននេះប្រកាសថា ស្មាតហ្វូនដែលអាចបត់បានដំបូងបំផុតរបស់ខ្លួននៅក្នុងព្រឹត្តិការណ៍ Mobile World Congress នៅក្នុងទីក្រុងបាសេឡូណានៅអេស្ប៉ាញនៅក្នុងខែកុម្ភៈឆ្នាំក្រោយនេះ៕